قازاقستان دامىعان 30 مەملەكەتتىڭ قاتارىنا مەرزىمنەن بۇرىن قوسىلا الادى - مانكەيەۆ
«قازاقپارات» اگەنتتىگىنە بەرگەن سۇحباتىندا «قازاقستان - 2050» جالپى ۇلتتىق قوزعالىسى كەڭەسىنىڭ ءتوراعاسى مۇحتار مانكەيەۆ وسىنداي پىكىر ءبىلدىردى، دەپ حابارلايدى قازاقپارات.
«پرەزيدەنتتىڭ جولداۋىمەن تانىسىپ شىقتىق، وسى ورايدا ونى تالقىلاۋ بويىنشا ارنايى جيىن وتكىزدىك. اتاپ ايتقاندا، «قازاقستان-2050» ستراتەگياسىنىڭ وزەكتىلىگى ايقىن كورىنىپ تۇر. ەلىمىز الەمدەگى ەڭ الدىڭعى قاتارلى 30 مەملەكەتتىڭ قاتارىنا قوسىلۋعا ءتيىس ەكەندىگى قاداپ ايتىلعان. جولداۋدا الەۋمەتتىك قامتاماسىز ەتۋ سالاسىنا قاتىستى ماسەلەلەر قامتىلدى. بيىلعى 1 - شىلدەدەن باستاپ 2,1 ميلليون زەينەتكەر ءۇشىن زەينەتاقى 20 پايىزعا وسەتىنى، سونداي- اق بالا تۋعاندا بەرىلەتىن ءبىر رەتتىك جاردەماقى كولەمى دە 20 پايىزعا ارتاتىندىعى ەسكەرىلىپ وتىر. وسىنىڭ بارلىعى قوماقتى قارجىنى قاجەت ەتەدى. بۇل تۇرعىدا ناقتى ماقساتتار جۇكتەلىپ وتىرعاندىقتان، ولاردى ۇكىمەت جوسپار بويىنشا ىسكە اسىرادى دەگەن ويدامىن»، - دەپ توقتالدى ول.
م. مانكەيەۆتىڭ پايىمىنشا، ەلدىڭ جاھاندىق باسەكەگە قابىلەتتىلىگىن قامتاماسىز ەتەتىن ەكونوميكالىق ءوسىمنىڭ جاڭا مودەلى ارقىلى جاڭا وندىرىستەردى دامىتۋعا، الەۋمەتتىك سالاداعى تىڭ مىندەتتەردى ورىنداۋعا جول اشىلادى.
«بىزدىڭشە، مەملەكەت باسشىسىنىڭ قويىپ وتىرعان ماقساتتارى قارقىندى تۇردە جۇزەگە اسىرۋدى قاجەت ەتەدى. بۇل رەتتە 2050 -جىلى 30 دامىعان ەلدىڭ قاتارىنا كىرۋگە بارلىق مۇمكىندىكتەرىمىز بار. مۇنىمەن قوسا، بۇل مىندەتتەردى ۋاقىتىنان بۇرىن ورىنداي الامىز دەگەن تۇجىرىم بار جانە ءبىز وعان قوسىلامىز. جالپى، ءبىزدىڭ الدىمىزدا تۇرعان ەلدەر ۇنەمى دامۋ ماقساتتارىن ورىنداۋعا تىرىساتىنى انىق، سوندىقتان قازاقستان حالقىنىڭ كۇش- جىگەرى الدەقايدا بەلسەندىرەك بولۋى ءتيىس. ەلىمىزدىڭ ازاماتتارى كۇندەلىكتى ومىرىندە، جۇمىسىندا العا قويىلعان مىندەتتەردى جۇزەگە اسىرۋعا كۇش- جىگەرىن بىرلەسە جۇمساۋى كەرەك»، - دەپ تۇيىندەدى ءسوزىن جالپىۇلتتىق قوزعالىسى كەڭەسىنىڭ ءتوراعاسى.
اۆتور: رۋسلان عابباسوۆ
