استانادا ەلوردا كۇنى قارساڭىندا 30 جۇپتىڭ نەكەسى قيىلدى - فوتو
«ۇيلەنۋ تويىن ەرەكشە فورماتتا وتكىزۋدىڭ كەرەمەت مۇمكىندىگى. جاس جۇبايلار پاركتە جينالىپ، وسى الاڭدا نەكەلەرىن قيۋ تۋرالى كۋالىكتەردى تابىستادىق. قالىڭدىقتارعا گۇل شوقتارىن تارتۋ ەتتىك. رەسمي نەكە قيۋ سالتاناتى وسىلاي ءوتتى، سودان كەيىن «دۋمان» قوناق ءۇي كەشەنىندە سىيلىقتار ۇتىسى، تورت كەسۋ، ۆالس جانە باسقا دا كوپ قىزىقتار بولادى»، - دەيدى استانا قالاسىنىڭ كاسىپكەرلىك جانە ونەركاسىپ باسقارماسى باسشىسىنىڭ مىندەتىن اتقارۋشى رىسكۇل قاۋعابايەۆا.
قوس جۇرەكتىڭ جانىندا كۇيەۋ جىگىتتەر مەن قالىڭدىقتار انت بەردى. سالتاناتتى شارادان كەيىن جاستار ەڭ بيىك تۋ تۇعىرىنا كوتەرىلدى. ءبارى دە سۋرەتكە جانە بەينەگە ءتۇسىرىلدى.
«مەرەكەگە جاڭبىر دا كەدەرگى بولعان جوق، - دەيدى جاس جۇبايلار باۋىرجان مەن سىمبات سۇراپباي. - بۇل تاعدىر شىعار، ۇيلەنۋ تويىن وسى كۇنى وتكىزەمىز دەپ ويلاماعان ەدىك. ءبارى دە كەرەمەت. ءۇش جىل بويى كەزدەسىپ، بيىل ۇيلەنۋگە شەشىم قابىلدادىق».
جاستاردى تانىمال تەلەجۇرگىزۋشى ايگۇل مۇكەي جانە اكتەر، مۋزىكانت، پروديۋسەر ءانۋار نۇرپەيىسوۆ قۇتتىقتادى. ەرلى-زايىپتى اتانعان جاستار اسپانعا شار ۇشىردى.