07:59, 02 - ماۋسىم 2016 | GMT +5
ا ق ش- تاعى ءىرى جول اپاتى سالدارىنان 30 دان استام ادام زارداپ شەكتى
استانا. قازاقپارات - امەريكانىڭ تەحاس شتاتى حيۋستون قالاسىندا بولعان جول اپاتىنان 32 ادام زارداپ شەكتى.
بۇل تۋرالى رەسەيلىك تاسس اگەنتتىگى ABC تەلەارناسىنا سىلتەمە جاساي وتىرىپ حابارلايدى.
قالاداعى ءىرى جولداردىڭ بىرىندە پيكاپ جۇرگىزۋشىسى كولىگىنە يە بولا الماي اۆتوبۋسقا سوعىلعان.
ىشىندە 40 ادامى بار قوعامدىق كولىك جولى شەتىنە شىعىپ، بار جىلدامدىعىمەن باعاناعا كەلىپ تىرەلگەن.
پوليتسيانىڭ حابارلاۋىنشا، 28 ادام اۋرۋحاناعا جاتقىزىلىپ، ءتورت ادامعا وقيعا ورنىندا مەديتسينالىق كومەك كورسەتىلگەن.
جول- كولىك وقيعاسى سالدارىنان كولىك قوزعالىسى توقتاتىلدى. قازىر ج ك و سەبەپ- سالدارى تەكسەرىلۋدە.
