قازاقستاندىقتار وڭتۇستىك كورەيادا ۆيزاسىز 30 كۇنگە دەيىن جۇرە الادى
30 كۇنگە قازاقستاندىق تۋريست رەتىندە، جۇمىس بابىمەن، ەمدەلۋگە، جەكە ءىسى بويىنشا بارا الاتىن بولدى.
«قازاقستان رەسپۋبليكاسىنىڭ ۇكىمەتى مەن كورەيا رەسپۋبليكاسىنىڭ ۇكىمەتى اراسىنداعى ۆيزالىق تالاپتاردى ءوزارا جويۋ تۋرالى كەلىسىمگە سايكەس، 2014 -جىلدىڭ قاراشا ايىنان باستاپ جارامدى جول ءجۇرۋ قۇجاتتارى (شەتەل پاسپورتى) بار ق ر ازاماتتارى كورەيا رەسپۋبليكاسىنا كەلۋ ءۇشىن الدىن الا ۆيزا الۋدان بوساتىلىپ، وندا 30 تاۋلىككە دەيىنگى مەرزىمدە بولا الادى»، دەلىنگەن حابارلامادا.
وسىلايشا، وڭتۇستىك كورەياعا باعىت العان ق ر- نىڭ ازاماتتارى وڭتۇستىك كورەيالىق ۆيزاسىز 30 كۇنگە دەيىن تۋريستتىك ماقساتپەن، جۇمىس ماقساتىمەن، ساۋىعۋ جانە ەمدەلۋ ماقساتىمەن، مادەني- اعارتۋشىلىق ماقساتىمەن، جەكە ىسىمەن (تۋىسقاندارىنا، دوستارىنا جانە تانىستارىنا بارۋ) شىعا الادى.
سونىمەن بىرگە وسى كەلىسىمنىڭ ەرەجەلەرى كورەياعا جۇمىسقا تۇرۋ، وقۋعا بارۋ، تۇراقتى مەكەندەۋ، ميسسيونەرلىك ماقسارمەن باعىت العان تۇلعالارعا تيەسىلى ەمەس.
بۇل جاعدايدا قازاقستاننان كورەيا رەسپۋبليكاسىنا شىعۋ الدىندا الدىن الا استاناداعى كورەيا رەسپۋبليكاسىنىڭ ەلشىلىگىندە نەمەسە الماتىداعى باس كونسۋلدىعىندا وڭتۇستىككورەيالىق ءتيىستى كاتەگورياسى بار ۆيزانى جاساۋى قاجەت. كەرى جاعدايدا، كورەيا رەسپۋبليكاسىنىڭ كوشى- قون وكىمەتى سىزگە كىرۋگە رۇقسات بەرمەي، وڭتۇستىك كورەيالىق زاڭناماعا سايكەس دەپورتاتسيا رەجيمىن قولدانا الادى.
وڭتۇستىككورەيالىق كوشى-قون قىزمەتىنىڭ قىزمەتكەرلەرى ءوز ەلىنىڭ زاڭناماسىنا سايكەس كىرۋ كەزىندە ءاربىر شەتەل ازاماتتى ساپار ماقساتىنىڭ ناقتى نيەتىمەن سايكەستىگىن تەكسەرۋ ءۇشىن ساۋالناما جۇرگىزۋگە قۇقىلى.
«وسىعان بايلانىستى، وڭتۇستىك كورەياعا باراتىن ازاماتتار ساپار ماقساتىنا قاراماستان قايتۋ بيلەتىنىڭ بولۋىن، وڭتۇستىك كورەياداعى ءتيىستى تۇلعانىڭ نەمەسە ۇيىمنىڭ (سەرىكتەس كومپانيا، تۋراگەنتتىگى، مەديتسينالىق مەكەمە جانە ت. ب. ) شاقىرۋ كوشىرمەسىنىڭ بولۋىن، كوشى- قون كارتاسىندا (حالىقارالىق اەرووپورتتا كەلگەن كەزىندە تولتىرىلادى) ساپار ماقساتىن، كورەيا رەسپۋبليكاسىندا تۇراتىن ۋاقىتشا مەكەنجايدى جانە ءسىز بارا جاتقان تۇلعانىڭ/ۇيىمىنىڭ اتى- ءجونىن، اتاۋىن جانە بايلانىس اقپاراتىن انىق كورسەتۋدى قادالا سۇرايمىز»، دەپ حابارلايدى ق ر س ءى م.
مينيسترلىك سونىمەن قاتار، شىعاتىنداردىڭ بارلىعىنا مەديتسينالىق ساقتاندىرۋدى سول ەلگە اتتانار الدىندا جاساۋعا كەڭەس بەرەدى، ويتكەنى تەگىن مەديتسينالىق كومەك قىزمەتى بۇل ەلدە قاراستىرىلماعان.
