جىل سوڭىنا قاراي «كاسپي» زاۋىتى 30 مىڭ تەكشە مەتر سۋدى تۇشىلاندىرادى - فوتو

اقتاۋ. قازاقپارات - بۇگىندە «كاسپي» تۇشىلاندىرۋ زاۋىتى ازداعان قۋاتتىلىقپەن جۇمىس ىستەپ، №6, 7, 8, 9 جانە 10 كەرىوسموستىق قوندىرعىلارمەن تاۋلىگىنە 10 مىڭ تەكشە مەتر سۋ شىعارىپ وتىر.

ونى 150 مىڭنان استام ادام: مۇنايلى اۋدانىنىڭ اتامەكەن، باسقۇدىق، داۋلەت، قىزىل توبە، ماڭعىستاۋ، باتىر اۋىلدارىنىڭ جانە قاراقيا اۋدانىنىڭ قۇرىق اۋىلىنىڭ تۇرعىندارى پايدالانۋدا.

جوعارىدا اتالعان قوندىرعىلاردىڭ جۇمىس ىستەپ وتىرعانىنا 10 جىلدان استام ۋاقىت بولدى، ولار وبلىستىق بيۋدجەت قاراجاتى (145 ميلليون تەڭگە) ەسەبىنەن كۇردەلى جوندەۋدەن وتكەن.

زاۋىتتا جەكە حيميا- باكتەورولوگيالىق زەرتحانا جۇمىس ىستەپ وتىر. ول ءۇشىن جابدىقتاردى ساتىپ الۋعا وبلىستىق بيۋدجەتتەن تاعى 64 ميلليون تەڭگە ءبولىندى.

«زاۋىتتا كەلەسى كەزەڭدە №1,2,3,4 جانە 5 كەرىوسموستىق قوندىرعىلاردى جاڭعىرتۋ (تولىق اۋىستىرۋ) جۇمىستارى ورىندالادى. بۇل ءۇشىن رەسپۋبليكالىق بيۋدجەتتەن 1 ميلليارد 600 ميلليون تەڭگە بولىنگەن. ەگەر بۇرىن ولاردىڭ ءارقايسىسىنىڭ قۋاتتىلىعى تاۋلىگىنە 2 مىڭ تەكشەمەتر سۋعا تەڭەلسە، ءتيىستى جۇمىستار جاسالعان سوڭ بۇل كورسەتكىش ەكى ەسەلەنەدى. بۇل بەس قوندىرعى 2016 - جىلعى قازان ايىنىڭ سوڭى، قاراشانىڭ باسىنا قاراي قوسىمشا 20 مىڭ تەكشە مەتر سۋ بەرەدى. زاۋىتتىڭ ورناتىلعان قۋاتتىلىعى (بارلىق 10 قوندىرعىنىڭ ونىمدىلىگىن ەسەپكە العاندا) تاۋلىگىنە 30 مىڭ تەكشە مەتر اۋىزسۋدان اسادى»، - دەپ اتاپ ءوتتى «كاسپي» تۇشىلاندىرۋ زاۋىتىنىڭ ديرەكتورى ۆلاديمير مۋراشكو.

 جاڭعىرتۋ بارىسىن وبلىستىڭ جانە «كاسپي» ا ك ك» ۇ ك» ا ق- نىڭ باسشىلىعى ۇنەمى باقىلاۋدا ۇستاپ، قاجەتتى قولداۋىن كورسەتىپ وتىر. ينفراقۇرىلىم نىساندارى مەن كومەكشى قۇرالداردى جاڭعىرتۋعا وبلىستىق بيۋدجەتتەن 550 ميلليون تەڭگە ءبولىندى.