15:24, 08 - قىركۇيەك 2015 | GMT +5
پاۆلوداردا پوليتسيا 30 مينۋتتىڭ ىشىندە توناۋ وقيعاسىنىڭ بەتىن اشتى
پاۆلودار. قازاقپارات - پاۆلودار قالاسىنىڭ 26 جاستاعى تۇرعىنى پوليتسيا قىزمەتكەرلەرىنە بەلگىسىز بىرەۋلەر پىشاق الا ۇمتىلىپ، 150 مىڭ تەڭگە كولەمىندەگى قاراجاتىن الىپ كەتتى دەپ ارىزدانعان.
پوليتسەيلەر تەرگەۋ كەزىندە ج ش س- لاردىڭ بىرىندە جۇرگىزۋشى-ەكسپەديتور بولىپ جۇمىس ىستەگەن ارىزدانۋشى اقشانى ءوز قالتاسىنا باسپاق بولعانىن انىقتادى. جاۋاپكەرشىلىكتەن قۇتىلۋ ءۇشىن ول تونادى دەپ جالعان حابار بەرگەن.
كۇدىكتىدەن ءالى جاراتىپ ۇلگەرمەگەن اقشا الىندى. ءسويتىپ، ءتارتىپ ساقشىلارى 30 مينۋت ىشىندە قىلمىستىق ءىستىڭ بەتىن اشتى، دەپ حابارلادى ءى ءى د باسپا ءسوز قىزمەتىنەن.
ق ر ق ك 419-بابىنا سايكەس سوت الدىنداعى تەرگەۋ باستالدى. كۇدىكتىگە ەشقايدا كەتپەۋ تۋرالى قولحات بەرىلدى.
