يزرايلدە 30 مىڭنان اسا بالا وقۋعا بارعان جوق

30 مىڭنان اسا بالا وقۋعا بارعان جوق. ەرەۋىلگە شىققان مەكتەپ مۇعالىمدەرىمەن قاتار وقۋشىلاردىڭ اتا- انالارى دا نارازىلىعىن بىلدىرۋدە.
حريستيان وقۋ ورىندارىنا مەملەكەتتىك قارجىلاندىرۋ قىسقارتىلعاندىقتان، 47 مەكتەپ ساباقتى باستاۋدان باس تارتتى. ال ەۆرەي مەكتەپتەرىندە اتا- انالار ەرەۋىلگە شىققان. ولار مەكتەپتەردىڭ جاعدايى مەن سىنىپتاردىڭ لىق تولۋىنا نارازى. ءبىر مىڭداي ستۋدەنت ءتىپتى ءبىلىم بەرۋ جۇيەسىنەن تىس قالعان. وقۋىن باستاۋى ءتيىس كوللەدجەردە ولارعا ورىن جوق بولىپ شىقتى. شيمون بريمان، حايفا قالاسىنىڭ اتا- انالار كوميتەتىنىڭ مۇشەسى:
- سوعىس جوق كەزدە مىڭداعان بالا مەكتەپكە بارعان جوق. الدىمەن مۇعالىمدەر كاسىپوداعى ەرەۋىلگە شىقتى. سودان كەيىن اراب بولىگىنىڭ باسشىلارى. اقىرىندا ءبارى كەلىسىمگە جەتكەن سياقتى. ءبىراق ءبىزدى، اتا- انالاردى ۋايىمداتاتىنى باسقا، اقشا بولىنگەنىنە قاراماستان، بالالارىمىز لىق تولعان سىنىپتاردا نەمەسە ەسكى عيماراتتاردا وقىپ ءجۇر. سول سەبەپتەن وكىمەتتىڭ نازارىن وسى ماسەلەلەرگە اۋدارتقىمىز كەلەدى.
www.24.kz