ەكونوميكالىق ايماق «اقتاۋ تەڭىز پورتى» قۇرىلعان ساتتەن باستاپ وعان 30 ميلليارد تەڭگە قاراجات تارتىلدى
بۇل تۋرالى ق ر ينۆەستيتسيالار جانە دامۋ ءمينيسترى اسەت يسەكەشيەۆتىڭ ماڭعىستاۋ وبلىسىنا ساپارى بارىسىندا بەلگىلى بولدى.
بۇگىندە «اقتاۋ تەڭىز پورتى» ارنايى ەكونوميكالىق ايماعىندا 31 قاتىسۋشى تىركەلدى. اشىلعان وندىرىستەردە 223 ميلليارد تەڭگەنىڭ ءونىمى ءوندىرىلدى، بيۋدجەتكە سالىق تۇرىندە 19 ميلليارد تەڭگەدەن استام قارجى ءتۇستى.
ا ە ا- قا ات باسىن بۇرعان ءا. يسەكەشيەۆ اتاپ وتكەندەي، مۇنداي ەكونوميكالىق ايماقتاردى قۇرۋ ۇلتتىق ەكونوميكانىڭ ۇدەمەلى يندۋستريالىق- يننوۆاتسيالىق دامۋىنىڭ ماڭىزدى قۇرالدارىنىڭ ءبىرى بولىپ تابىلادى.
«اقتاۋ تەڭىز پورتى» ا ە ا اۋماعىندا شەتەلدىكتەردىڭ قاتىسۋىمەن 12 جوبا جۇزەگە اسىرىلۋدا.
«سينگاپۋر، يسپانيا، وڭتۇستىك كورەيا، فرانسيا، نورۆەگيا، يتاليا، ازەربايجان سياقتى ەلدەر «اقتاۋ تەڭىز پورتىندا» ءوز جوبالارىن جۇزەگە اسىرۋدا. جوسپارلانعان ينۆەستيتسيالار كولەمى 7,4 ميلليارد تەڭگەنى قۇرايدى. وندىرىستىك قۋاتى - 48 مىڭ توننا»، - دەپ اتاپ ءوتتى اسەت يسەكەشيەۆ ا ە ا- دا بولعان كەزىندە.
ءمينيستردىڭ ايتۋىنشا، مەملەكەت باسشىسىنىڭ قولداۋىنىڭ ارقاسىندا بۇگىندە سالىق جەڭىلدىكتەرى مەن كەدەندىك پرەفەرەنسيالاردى ۇسىنۋ ارقىلى قاتىسۋشى- كومپانيالاردىڭ قىزمەتى ءۇشىن ەلەۋلى جاعداي جاساۋعا قول جەتكىزىلدى.
