ەۋرو وداق قازاقستاننىڭ الەمدەگى دامىعان 30 ەلدىڭ قاتارىنا كىرۋىنە كومەكتەسەدى - ەلباسى
قازاقستان پرەزيدەنتى ەۋرو كوميسسيا ءتوراعاسى جوزە مانۋەل بارروزۋمەن كەزدەسۋ قورىتىندىسى بويىنشا وسىنداي مالىمدەمە جاسادى.
«قازاقستان ورتالىق ازياداعى ە و- مەن ەكىنشى بۋىننىڭ كەلىسىمىن جاساعان جالعىز ەل. بۇل ءبىزدىڭ قارىم- قاتىناسىمىز ساپالى جاڭا دەڭگەيگە كوتەرىلگەنىن، سونداي- اق ءبىزدىڭ ارىپتەستىگىمىزدىڭ ستراتەگيالىق سيپاتقا يە بولعاندىعىن كورسەتەدى»، - دەدى ن. نازاربايەۆ.
ەلباسىنىڭ ايتۋىنشا، بۇل كەلىسىم قازاقستان مەن ەۋرو وداق اراسىندا كەڭ اۋقىمدى سالالار بويىنشا تەرەڭ ىنتىماقتاستىقتى قاراستىراتىن قۇقىقتىق تۇعىرنامانى قالىپتاستىرادى. وندا حالىقارالىق قاۋىپسىزدىك پەن تۇراقتىلىق، ءبىلىم بەرۋ، دەنساۋلىق ساقتاۋ، مادەنيەت، يننوۆاتسيالار ەنگىزۋ سەكىلدى ماسەلەلەر بويىنشا ساياسي ءۇنقاتىسۋ قامتىلعان.
تاراپتار قۇقىق سالاسىندا ىنتىماقتاستىقتى نىعايتپاق، سونىڭ ىشىندە تەرروريزمگە، ۇيىمداسقان ترانس ۇلتتىق قىلمىسقا جانە سىبايلاس جەمقورلىققا قارسى كۇرەستە كۇش بىرىكتىرۋدى كوزدەپ وتىر.
سونداي- اق جاڭا كەلىسىمدە ايماقتىق ىنتىماقتاستىقتى جانداندىرۋ ماسەلەسى كورىنىس تاپقان. قۇجاتتىڭ نەگىزگى اسپەكتىلەرىنىڭ ءبىرى جاڭارتىلعان ساۋدا بولىمىنە قاتىستى بولىپ وتىر. وندا قازاقستاننىڭ دۇنيەجۇزىلىك ساۋدا ۇيىمىنا كىرۋى اياسىندا وزىنە جۇكتەيتىن جانە كەدەندىك وداق پەن ەۋرازيالىق ەكونوميكالىق وداق تۋرالى شارت شەڭبەرىندە قابىلداعان مىندەتتەرى ەسكەرىلگەن. مەملەكەت باسشىسىنىڭ اتاپ وتۋىنشە، «قازاقستان بيىلعى جىلدىڭ سوڭىنا دەيىن د س ۇ مۇشەسى اتانۋى ءۇشىن بار كۇش- جىگەرىن جۇمسايدى».
«كەلىسىمدى جۇزەگە اسىرۋ قازاقستان مەن ەۋرو وداق اراسىنداعى ەكونوميكالىق بايلانىستاردىڭ كەڭەيۋىنە اسەر ەتەتىنىنە سەنىمدىمىن. جاڭا كەلىسىم - بۇل ءبىزدىڭ ازاماتتارىمىزدىڭ قارىم- قاتىناسىن نىعايتاتىن، قازاقستاندىق جانە ەۋروپالىق كاسىپكەرلەردىڭ ناتيجەلى قىزمەتىنە جاعداي تۋعىزاتىن تاجىريبەلىك قۇرال»، - دەپ اتاپ ءوتتى ق ر پرەزيدەنتى.
ەلباسى دامىعان 30 ەلدىڭ قاتارىنا كىرۋدى ماقسات ەتكەن «قازاقستان 2050» ستراتەگياسىن قابىلدانعانىن ەسكە سالدى.
«ە و- نىڭ ءار سالاداعى تەرەڭ تاجىريبەسى مەن قۋاتتى الەۋەتىن ەسكەرسەك، ەۋرو وداق بىزگە قولداۋ تانىتىپ، باعا جەتپەس كومەك كورسەتپەك. قازاقستاننىڭ الدىنا قويعان اۋقىمدى ماقساتتارىن جۇزەگە اسىرۋدا ەۋروپالىق ارىپتەستەرىمىزدىڭ قولداۋ بىلدىرەتىنىنە سەنىم ارتامىز» ، - دەدى ق ر پرەزيدەنتى ن. نازاربايەۆ.
