ا ق ش تابيعي اپاتتاردان كەلگەن شىعىنعا 306 ميلليارد دوللار جۇمسايدى

استانا. قازاقپارات -  ا ق ش- تا 2017 - جىلى تابيعي اپاتتار كوپ تىركەلگەن. ودان كەلگەن شىعىندى وتەۋ ءۇشىن 306 ميلليارد دوللار جۇمسالماقشى ەكەن.

بۇل -  رەكوردتى كورسەتكىش. ساراپشىلاردىڭ ايتۋىنشا، تابيعات اپاتتارىنىڭ جيىلەۋىنە جاھاندىق جىلىنۋ سەبەپ. دەگەنمەن ەل بيلىگى ونى مويىنداماي وتىر.

مۇحيتتار مەن اۋە كەڭىستىگىن زەرتتەۋ ۇلتتىق باسقارماسىنىڭ مالىمەتتەرىنە قاراعاندا، بيىل «يرما»، «ماريا»، «حارۆي» داۋىلدارى كوپ شىعىن اكەلگەن. وعان قوسا ەلدىڭ باتىسىندا بولعان ورمان ءورتى بار. وتكەن جىلى ا ق ش- تاعى ورتاشا اۋا تەمپەراتۋراسى 12,6 گرادۋس دەڭگەيىندە ساقتالعان. بۇل -  جيىرماسىنشى عاسىرمەن سالىستىرعاندا، 2,6 گرادۋسقا جوعارى. وسىعان دەيىن ا ق ش 2005 -جىلى «كاترين»، «ۆيلما» جانە «ريتا» داۋىلدارىنان كەلگەن شىعىندى وتەۋ ءۇشىن 215 ميلليون دوللار جۇمساعان ەدى.

www.24.kz