16:08, 12 - شىلدە 2023 | GMT +5
مارات قارابايەۆ الماتى ماڭىندا قاڭتارىلىپ تۇرعان 300 اۆتوبۋسقا قاتىستى پىكىر ءبىلدىردى
استانا. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى مارات قارابايەۆ الماتى قالاسىنىڭ ماڭىندا قاڭتارىلىپ تۇرعان 300 اۆتوبۋسقا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، بۇعان دەيىن الماتى اكىمدىگى قالادا قولدانىستا بولعان كولىك قۇرالدارىنىڭ نەلىكتەن الماتى وبلىسىندا تاپ بولعانىن تۇسىندىرگەن.
«بۇل اۆتوبۋستاردىڭ الماتى وبلىسى اكىمدىگىنە بەرىلگەنىنە قاتىستى ۇيعارىم بار. ولار جاڭا ەمەس. ولار توزعان، الماتى اكىمدىگى پايدالانعان. قالا اكىمدىگى ولاردى الماتى وبلىسى اكىمدىگىنىڭ بالانسىنا بەرۋ تۋرالى شەشىم قابىلداعان»، - دەدى مينيستر ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
بۇعان دەيىن Instagram-دا كوپتەگەن اۆتوبۋستىڭ ءبىر جەردە تۇرعانى تۇسىرىلگەن كادر تاراعان ەدى.
