ق ر ب ع م: 300 دەن استام قازاقستاندىق شەتەلدىڭ ج و و-لارىندا تەگىن ءبىلىم الادى

نۇر-سۇلتان. قازاقپارات - 330 قازاقستاندىق شەتەلدىك جەتەكشى جوعارى وقۋ ورىندارىنا وقۋعا تۇسۋگە ۇسىنىلدى، دەپ حابارلايدى قازاقپارات ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

ولار قازاقستان مەن باسقا ەلدەر اراسىندا ءبىلىم جانە عىلىم مينيسترلىگىنىڭ باستاماسىمەن جاسالعان ۇكىمەتارالىق كەلىسىم شەڭبەرىندە تەگىن وقي الادى. ياعني، ماجارستان، پولشا، قىتاي، ۋكراينا، سلوۆاكيا، ءازىربايجان جانە ۆەتنام ۋنيۆەرسيتەتتەرىندە تەگىن وقۋ مۇمكىندىكتەرى بار. ورتالىق ازيا ەلدەرى اراسىندا قازاقستانعا ەڭ كوپ ءبىلىم گرانتىن ماجارستان ءبولىپ وتىر - 250، قىتاي - 47، پولشا - 11، ۋكراينا - 10، سلوۆاكيا - 3، ازەربايجان - 8، ۆەتنام - 1.

گرانتتار باكالاۆريات، ماگيستراتۋرا، دوكتورانتۋرا جانە رەزيدەنتۋرا باعدارلامالارى بويىنشا بولىنەدى. «اڭگىمەلەسۋ بارىسىندا ءاربىر ۇمىتكەرگە ماماندىق تاڭداۋعا دەگەن ىنتاسى مەن جىگەرى، تەوريالىق ءبىلىمى مەن وقۋداعى نەمەسە تاڭداعان ماماندىعى سالاسىنداعى جەتىستىكتەرىنىڭ دەڭگەيىن انىقتاۋ ءۇشىن سۇراقتار قويىلدى. سونداي- اق ءبىز ويلاۋ لوگيكاسىنىڭ دەڭگەيىن، سويلەۋ ساپاسىن، كەز- كەلگەن جاعدايداعى ماسەلەلەردى شەشۋ بويىنشا ۇمىتكەرلەردىڭ جەكە قاسيەتتەرى مەن داعدىلارىن باعالادىق. ءبىلىم بەرۋ گرانتتارىن تاعايىنداۋ تۋرالى تۇپكىلىكتى شەشىمدى قابىلداۋشى تاراپ قابىلدايدى»، - دەدى ق ر ب ع م حالىقارالىق باعدارلامالار ورتالىعىنىڭ پرەزيدەنتى اينۇر كارىبوزوۆا.

ۇمىتكەرلەردى ىرىكتەۋدى دەپۋتاتتار، ساراپشىلار، ينجەنەرلىك-تەحنيكالىق، مەديتسينالىق، گۋمانيتارلىق جانە جاراتىلىستانۋ عىلىمدارىنىڭ دوكتورلارىنان قۇرالعان تاۋەلسىز كوميسسيا جۇرگىزدى. تاۋەلسىز ساراپتاما كوميسسياسى نەگىزگى جانە رەزەرۆتىك تىزىمگە شەت ءتىلىن ءبىلۋ دەڭگەيى، ءبىلىمى تۋرالى قۇجاتتىڭ ورتاشا بالى جانە اڭگىمەلەسۋدىڭ ورتاشا باعاسىنىڭ جيىنتىعى بويىنشا ەڭ جوعارى ورتاشا بالل جيناعان ۇمىتكەرلەردى ەنگىزدى.