موڭعولياداعى مۋزەيدە كوكتۇرىك يمپەرياسىنىڭ 300 دەن استام جادىگەرى ساقتاۋلى تۇر

استانا. قازاقپارات - «حۋشۋۋ تسايدام» مۋزەيى موڭعولياداعى ورحون وزەنىنىڭ اڭعارىندا، ارحانعاي ايماعى حاشاات اۋىلىندا ورنالاسقان.

وندا ءبىزدىڭ زامانىمىزدىڭ VI عاسىرىنا تيەسىلى كوكتۇرىك يمپەرياسىنىڭ (تۇركى قاعاناتى) 300 دەن استام سيرەك كەزدەسەتىن جادىگەرى ساقتاۋلى تۇر، دەپ حابارلايدى قازاقپارات مونتسامە اگەنتتىگىنە سىلتەمە جاساپ.

«حۋشۋۋ تسايدام» مۋزەيى 2010-جىلى موڭعوليا ۇكىمەتىنىڭ قاۋلىسىمەن قۇرىلعان.

بۇل ارحەولوگيالىق زاتتار قازىرگى حاشاات سۇمىنىندا (اۋىلدىق وكرۋگ - اۆت.) ورنالاسقان تۇركى قاعاناتىنىڭ ساياسي جانە اسكەري قايراتكەرلەرى بىلگە قاعان مەن كۇلتەگىن مەموريالدىق كەشەندەرىنەن تابىلعان.

ەسكە سالايىق، تۇركىلەر ەۋرازيا قۇرلىعىنىڭ تورتتەن ءبىر بولىگىندە ءومىر سۇرگەن ەجەلگى كوشپەلى حالىقتاردىڭ ءبىرى.

ايتا كەتەرلىگى، تۇركيا رەسپۋبليكاسىنىڭ پرەمەر- ءمينيسترى بينالي يىلدىرىم بيىل 7- ساۋىردە موڭعولياعا جاساعان رەسمي ساپارى كەزىندە اتالمىش مۋزەيگە بارعان ەدى.