كەلەر جىلى قازاقستاندا 300 ەلەكتروموبيل شىعارىلادى

استانا. قازاقپارات - 2018 -جىلى «JAC» ماركالى قازاقستاندا قۇراستىرىلعان 300 ەلەكتروموبيل تۇتىنۋشىلارعا جول تارتپاق، دەپ حابارلايدى «قازاقپارات» ح ا ا ءتىلشىسى.
None
None

بۇل تۋرالى استانادا «قازاقستاننىڭ ونەركاسىپتىك ساياساتى: ەڭبەك ونىمدىلىگىن ارتتىرۋ ارقىلى كاسىپورىنداردىڭ باسەكەگە قابىلەتتىلىگىن ارتتىرۋ» اتتى فورۋمدا قازاقستاندىق اۆتووندىرۋشىلەردىڭ وكىلى سەرگەي موگيلاتوۆ ءمالىم ەتتى.

«بۇگىنگى كۇنى كولىك قۇراۋ فورۋمى اياسىندا ءبىز ءوزىمىزدىڭ ستراتەگيالىق قادامىمىزدى جاساعالى وتىرمىز. بۇل تۇرعىدا سەرىكتەستىكتىڭ ارقاسىندا «JAC» مودەلدى ەلەكتروموبيلدەردىڭ سەرياسىن قازاقستاندا شىعارۋدى جوسپارلاپ وتىرمىز. ونىڭ تۇساۋكەسەرى قىتايدا قازان ايىندا وتەدى. سايكەسىنشە، بۇدان كەيىن قازاقستاندا سەرتيفيكاتتاۋ جۇمىستارى ىسكە اسىرىلادى. ەگەر ەلەكتروموبيلدەردىڭ ناقتى وسى مودەلىن شىعارۋ تۋرالى ايتار بولساق، العاشقى پارتيا 2018 -جىلى شىعارىلادى. ولاردىڭ سانى شامامەن 300-گە جۋىق بولماق. ال اۋقىمدى تۇردە شىعارۋدى 2019 -جىلعا قاراي جۇزەگە اسىرۋدى ويلاپ وتىرمىز»، - دەدى ول.

سەرگەي موگيلاتوۆ اتالعان كولىكتەردىڭ باعاسى شامامەن قانشا بولاتىنىن ايتا العان جوق.

«سەرتيفيكاتتاۋ جۇمىسىنىڭ تولىق سيكلى اياقتالماعاندىقتان، ولاردىڭ قۇنى قانشا بولاتىنى ازىرگە بەلگىسىز. سەرتيفيكاتتىڭ سوڭعى باعاعا اسەرى بولاتىنى ءسوزسىز. ايتارىم، قازاقستاندا قۇراستىرىلعان ەلەكتروموبيلدەردىڭ باعاسى قاراپايىم اۆتوكولىكتەردەن قىمبات بولمايدى. قانشا ايتقانمەن، بۇل ەندى عانا قادام باسىپ كەلە جاتقان جاڭا تەحنولوگيا. ءتىپتى قولداعى ۇيالى تەلەفوننىڭ ءوزى دە قۋاتى ءبىتىپ قالعان كەزدە شارشاتا باستايتىنى بەلگىلى. ەلەكتروموبيل باعىتىندا بۇل ماسەلەنىڭ ماڭىزى كەم بولمايدى. سوندىقتان، ەڭ الدىمەن تۇتىنۋشى قاي جەرگە بارىپ، قۋاتتاندىرىپ الامىن دەپ جۇرمەيتىندەي، ەلەكترلىك ينفراقۇرىلىمدى جولعا قويىپ الۋ كەرەك. ءبىز قاراپايىم جانار- جاعارماي قۇيۋ بەكەتىندە 3-5 مينۋت ارالىعىندا كولىككە بەنزين قۇيىپ الامىز. ەگەر ەلەكتروموبيلدەرگە كەلەر بولساق، ول جاقتا ماسەلە باسقا. ءبىز ءتۇنى بويى قۋاتتاناتىن كولىكتەر كۇنى بويى ءجۇرىپ بەرە الاتىنداي جاعدايعا جەتكىزە ءبىلۋىمىز كەرەك. سونىمەن بىرگە، جاقىن بەكەتتە 10 مينۋتتىڭ ىشىندە قۋات كوزىن 80 پروتسەنتكە تولتىرىپ الاتىنداي بولۋى ءتيىس. ءار ەلەكتروموبيلدە ەكى پورت بار. بىرىمەن ۇيدە قۋاتتاندىرىپ السا، تۇتىنۋشى ەكىنشىسىن بەكەتتە قولداناتىن بولادى»، - دەيدى موگيلاتوۆ.

 اۆتور: ايان بەكەن ۇلى

سوڭعى جاڭالىقتار