جات اعىم جەتەگىندە جۇرگەن 300 اقتوبەلىك ءداستۇرلى يسلامعا بەت بۇردى
اقتوبەدە حالىق قاۋىپسىزدىگىن قامتاماسىز ەتۋ جوباسى اياسىندا جۇمىس جالعاسىپ جاتىر. وڭىردە ءدىني احۋالى قيىن مۇعالجار، تەمىر، شالقار اۋداندارىنا باسىمدىق بەرىلىپ، تەولوگ، زاڭگەر، پسيحولوگتارى بار كوممۋنالدىق كاسىپورىندار اشىلدى. اقتوبە وبلىستىق ءدىن ىستەرى جونىندەگى باسقارما باسشىسى جولداس قالماعامبەتوۆتىڭ ايتۋىنشا، جىل باسىنان بەرى وڭىرگە 33 تەولوگ كەلىپ، ءداستۇرلى ەمەس ءدىني اعىم وكىلدەرىمەن كەزدەستى.
«بارلىعى 545 جەكە كەزدەسۋ وتكىزىلىپ، 309 ادام ءداستۇرلى يسلام دىنىنە قايتا بەت بۇردى. بىرنەشە اۋدانداردا بىلىكتى تەولوگتار جۇمىسقا تارتىلىپ، تۇرعىن ۇيلەرمەن قامتاماسىز ەتىلدى. اقتوبە «ۋاقىپ» قايىرىمدىلىق قورىمەن بىرلەسكەن جۇمىستى العاشقىلاردىڭ ءبىرى بولىپ باستادى. قوردىڭ نەگىزگى ماقساتى - قايىرىمدىلىق قاراجاتىن جيناۋ، الەۋمەتتىك جوبالاردى، ءبىلىم بەرۋ- اعارتۋ ءىس- شارالارىن قارجىلاندىرۋ، سونىمەن قاتار، ءدىن قىزمەتكەرلەرى جۇمىسىننىڭ تيىمدىلىگىن ارتتىرۋ جانە ءدىني مەكەمەلەردىڭ قىزمەتىن قولداۋ. جاقىندا قور قارجىسى ەسەبىنەن 20 ادام جەكە بيزنەسىن اشۋعا پايىزسىز نەسيە الىپ، اقتوبە مەدرەسە- كوللەدجىنىڭ 8 ستۋدەنتى مەن «نۇر- مۇباراك» ۋنيۆەرسيتەتىنىڭ اقتوبەلىك ستۋدەنتتەرىنە ستەپەنديا تاعايىنداۋ بويىنشا كەلىسىم جاسالدى»، - دەدى ج. قالماعانبەتوۆ.
ايتا كەتەيىك، ءوڭىر باسشىسى بەردىبەك ساپاربايەۆ بۇل باعىتتاعى جۇمىستى جانداندىرۋدى تاپسىردى.
اۆتور: التىناي ساعىندىقوۆا
