اتوم جوباسىن بارشا الەمدە 300 مىڭنان استام ادام قولدادى

استانا. قازاقپارات - «يادرولىق قارۋسىز الەم» اتتى حالىقارالىق كونفەرەنسيا جۇمىسىنا مەملەكەت باسشىسى نۇرسۇلتان نازاربايەۆ قاتىسادى.
None
None

بۇگىن ورتالىق كوممۋنيكاتسيالار قىزمەتىندەگى باسپا ءسوز قىزمەتىندە ق ر پارلامەنتى سەناتىنىڭ دەپۋتاتى يكرام ادىربەكوۆ وسىلاي ءمالىم ەتتى.

«29 -تامىزدا تاۋەلسىزدىك سارايىندا سەمەي يادرولىق سىناق پوليگونىنىڭ جابىلۋىنا 25 جىل تولۋىنا بايلانىستى «يادرولىق قارۋسىز الەم» اتتى حالىقارالىق كونفەرەنسيا وتكەلى وتىر. كونفەرەنسيا جۇمىسىنا مەملەكەت باسشىسى نۇرسۇلتان نازاربايەۆ قاتىسىپ، ءسوز سويلەيدى دەپ كۇتىلۋدە. فورۋم بارىسىندا جالپى پلەنارلىق وتىرىس وتەدى، سونىمەن قاتار ءتورت پانەلدىك سەسسيالار جوسپارلانعان. اتاپ ايتقاندا، فورۋمدا يادرولىق قارۋسىزداندىرۋعا قاتىستى وزەكتى ماسەلەلەر تالقىلانادى جانە حالىقارالىق قاۋىپسىزدىكتى نىعايتۋ ءجونىندى تىڭ ءارى ناقتى ۇسىنىستار ايتىلادى دەپ ۇمىتتەنەمىز»، - دەدى دەپۋتات.

ونىڭ سوزىنە قاراعاندا، استانا فورۋمىندا قورىتىندى قۇجات قابىلداناتىن بولادى.

بەلگىلى بولعانداي، كونفەرەنتسياعا كەلۋ ءۇشىن 50 ەلدەن 200 دەن استام قاتىسۋشى نيەت بىلدىرگەن. ولاردىڭ اراسىندا وزگە ەلدەردەگى پارلامەنت وكىلدەرى، ۇكىمەت مۇشەلەرى، حالىقارالىق ۇيىمداردىڭ مۇشەلەرى بار، سونداي-اق نوبەل سىيلىعىنىڭ لاۋرەاتى بولىپ تابىلاتىن ەكى ۇيىم قاتىسادى.

ءوز كەزەگىندە ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو «اتوم» جوباسى اياسىندا يادرولىق قارۋعا جانە ونىڭ سىناقتارىنا قارسى الەمدەگى كەز كەلگەن ادام الەم ۇكىمەتتەرىنە يادرولىق قارۋدان باس تارتۋ ۇرانىمەن ونلاين پەتيتسياعا قول قويا الاتىنىن ەسكە سالىپ ءوتتى.

ونىڭ ايتۋىنشا، ق ر پرەزيدەنتىنىڭ باستاماسىمەن قۇرىلعان «اتوم» جوباسى اياسىنداعى ونلاين پەتيتسياسىنا 120 ەلدەن 300 مىڭنان استام ادام قول قويدى.

اۆتور: رۋسلان عابباسوۆ

 

سوڭعى جاڭالىقتار