جاپونيا ك س ر و - داعى 300 مىڭعا جۋىق اسكەري تۇتقىنى تۋرالى جاڭا دەرەكتەر الدى
بۇل تۋرالى «يوميۋري» گازەتى جازدى.
باسىلىمنىڭ مالىمەتتەرىنشە، مۇراعاتتا ەكىنشى دۇنيەجۇزىلىك سوعىس كەزىندە ساحالين مەن كۋريل ارالدارىندا تۇتقىنعا الىنعان 286655 جاپوندىق ازاماتتىڭ ورىن اۋىستىرۋى تۋرالى مالىمەتتەر ساقتالعان. 1069 ادامنىڭ جاپونياعا ورالا الماعانى اتاپ وتىلەدى. «ولار ماجبۇرلەۋ جۇمىستارىنا جەگىلىپ، نەمەسە كۇش قۇرىلىمدارىنىڭ قولىنا تۇسكەن».
وسى ۋاقىتقا دەيىن جاپوندىق تاراپ بۇل قۇجاتتاردىڭ بار بولعانىن بىلمەگەن، ولاردىڭ قۇپيالىلىق گريفى تەك 2012 - جىلى الىنعان.
جاپونيانىڭ تىزە بۇگۋىنەن كەيىن 1945 - جىلدىڭ 2 - قىركۇيەگىندە ءبىر ميلليوننان استام جاپوندىق ازاماتتى قىزىل ارميا تۇتقىنعا الىپ، لاگەرلەرگە جىبەردى. جاپونيانىڭ دەنساۋلىق ساقتاۋ، ەڭبەك جانە ءال- اۋقات مينيسترلىگىنىڭ مالىمەتتەرىنشە، سونىڭ ىشىندە شامامەن 730 مىڭ ادام كەيىننەن جاپونياعا قايتارىلعان، دەپ حابارلايدى ت ا س س.
