11:18, 07 - ناۋرىز 2016 | GMT +5
قىتاي 300 مىڭ شەنەۋنىكتى جەمقورلىق ءۇشىن جازالادى
استانا. قازاقپارات - قىتاي كوممۋنيستىك پارتياسى وتكەن جىلى 300 مىڭ شەنەۋنىكتى جەمقورلىق ءۇشىن جاۋاپكەرشىلىككە تارتتى، دەپ حابارلادى جەكسەنبى كۇنى BBC News.
ولاردىڭ ىشىندە ۇشتەن ەكى بولىگى «جەڭىل جازاعا» ۇشىرادى، اتاپ وتكەندە، كوبى وتستاۆكاعا (جۇمىستان بوساتىلدى) جىبەرىلدى.
80 مىڭعا جۋىعى بۇدان قاتاڭ جازا الدى.
بۇعان دەيىن قىتاي حالىق رەسپۋبليكاسىنىڭ ءتوراعاسى شي جينپيڭ جەمقورلىققا قارسى ناۋقاننىڭ باستالعانى تۋرالى جاريالاعان بولاتىن. پارتيانىڭ كەيبىر جوعارى قىزمەتتەگى تۇلعالارىنىڭ قىلمىسى اشىلدى.
جەمقورلىق قىلمىسىنا قاتىسى بار دەگەن كۇدىكپەن ادامدار اپتا سايىن دەرلىك ۇستالدى.
وتكەن جىلى قىلمىس جاساعان شەنەۋنىكتەردىڭ جالپى سانى بەيجىڭدەگى جىل سايىنعى پارلامەنت سەسسياسىندا بەلگىلى بولدى.
