استانادا وتەتىن حالىقارالىق كورمەگە 300 الەمدىك كومپانيا اسكەري ءونىمىن ۇسىنباق
ق ر قورعانىس مينيسترلىگى باسپا ءسوز قىزمەتى قاتىسۋشىلار سانى ءالى ناقتى ەمەس ەكەنىن حابارلادى. ويتكەنى، تاياۋ جانە الىس شەتەلدەگى قاتىسۋشىلار مەن مەيمانداردان وتىنىمدەر كۇن سايىن ءتۇسىپ جاتىر.
«كورمەنىڭ تانىمالدىلىعىمەن قاتار، ەلىمىزدىڭ قورعانىس ونەركاسىبى كەشەنىن دامىتۋ جانە ارميانى جابدىقتاۋ ءۇشىن «KADEX-2016» تيىمدىلىگىن دە اتاپ وتكەن ءجون. ونىڭ وتكىزۋ ناتيجەلەرى ءارتۇرلى ماقساتتاعى وپتيكالىق-ەلەكتروندى اسپاپتاردى ءوندىرۋ، راديولوكاتسيا جانە راديوەلەكتروندىق كۇرەس جۇيەلەرىن شىعارۋ مەن تەحنيكالىق قىزمەت كورسەتۋ، ءۇش كوورديناتتىق راديولوكاتسيالىق ستانتسيالاردى ءوندىرۋ، سونداي-اق ءبروندى كەۋدەشەلەردى شىعارۋ جونىندەگى ءبىرقاتار بىرلەسكەن ءوندىرىس بولادى»، - دەپ حابارلادى ۆەدومستۆودان.
وسى جىلى «KADEX-2016» حالىقارالىق قارۋ-جاراق پەن اسكەري-تەحنيكالىق مۇلىك كورمەسى ماۋسىمنىڭ 2 ءى مەن 5 ءى ارالىعىندا وتەدى.
اتالعان كورمە - ورتا ازياداعى اۋقىمدى ءىس-شارانىڭ ءبىرى.
كورمە 2010-جىلدان باستاپ، ءۇش رەت وتكىزىلدى.
