ق ر قورعانىس كۇشتەرىنىڭ 300 دەن استام اسكەري قىزمەتشىسى الماتىدا سەلدەن زارداپ شەككەندەرگە كومەك كورسەتۋدە - فوتو
بۇگىن تاڭ سارىدە الماتى گارنيزونىنىڭ 327 اسكەري قىزمەتشىسى قارعالى اۋلىنا كەلدى. اسكەري قىزمەتشىلەر سەل تاسقىنى زالال كەلتىرگەن ايماقتاردا قالىپ قويعان جەرگىلىكتى تۇرعىندارعا قول ۇشىن بەرۋدە.
«جەكە قۇرام توتەنشە جاعدايلاردىڭ سالدارىن جويۋعا قاجەتتى ارنايى تەحنيكامەن قامتاماسىز ەتىلگەن. اسكەري قىزمەتشىلەر سۋ باسقان تۇرعىن ۇيلەر مەن الاڭداردى تازالاۋدا. بىزدەن تالاپ ەتكەن كەز كەلگەن كومەكتى كورسەتۋگە دايىنبىز»، - دەدى ق ر ق ك ق ءا اەروۇتقىر اسكەرلەرى قولباسشىسىنىڭ قارۋ-جاراق جونىندەگى ورىنباسارى پولكوۆنيك ەركىن الاشبەكوۆ.
قاجەتتىلىك ورىن العان جاعدايدا جەكە قۇرام توتەنشە جاعدايدىڭ ناق ورتاسىندا قالىپ قويعان ادامداردى تاماقتاندىرۋ ءۇشىن وسى جەردە دالالىق اسحانا ورىستەتۋگە دايىن.
ەستەرىڭىزگە سالا كەتسەك، قارعالى وزەنىندەگى سۋ دەڭگەيىنىڭ ارناسىنان اسۋىنا بايلانىستى قاراعايلى جانە تاۋ سامالى شاعىناۋداندارى ءىشىنارا سۋدا قالىپ قويدى. ناتيجەسىندە الماتى قالاسىنا قاراستى اۋەزوۆ، ناۋرىزباي جانە الاتاۋ اۋداندارىنىڭ تۇرعىن ۇيلەرى زارداپ شەكتى. سوڭعى مالىمەتتەرگە سۇيەنسەك، بارلىعى 900 ادام تابيعي اپات ورنىنان كوشىرىلدى.
