الماتىداعى جويقىن ءورت: قويمانىڭ 3000 شارشى مەتر اۋماعى جانىپ كەتتى

 الماتى. قازاقپارات - الماتىدا «باراحولكا» بازارى ماڭىندا تۇتانعان ورتكە قاتىستى قوسىمشا مالىمەتتەر بەلگىلى بولدى، دەپ حابارلايدى قازاقپارات ءتىلشىسى.

«وقيعا ورنىندا 21 تەحنيكا، 6 ءورت ءسوندىرۋ كولىگى، 78 ادام، جۇمىلدىرىلدى. ءورت 15:05-تە اۋىزدىقتالدى. ءتىلسىز جاۋ 2950 شارشى مەتر اۋماقتى شارپىدى» ، - دەدى ق ر ءى ى م ت ج ك باسپا ءسوز قىزمەتىنەن.

 الدىن الا اقپارات بويىنشا ورتەنگەن عيماراتتا قويمالار ورنالاسقان.

ايتا كەتۋ كەرەك، «باراحولكا» ماڭىنىڭ قويۋ قارا تۇتىنگە كومىلگەنىن بۇدان بۇرىن حابارلاعان بولاتىنبىز.

 قالالىق ت ج د باسپا ءسوز حاتشىسى ساندۋعاش بايمۇحامبەتوۆانىڭ ايتۋىنشا، تۇسكى 13:41 شاماسىندا ءورت ءسوندىرۋ قىزمەتىنىڭ كەزەكشى پۋلتىنە جەتىسۋ اۋدانى، موسكۆين كوشەسى 7 مەكەنجايىنداعى عيمارات ورتەنىپ جاتقانى تۋرالى حابارلاما تۇسكەن.