07:02, 09 - قازان 2017 | GMT +5
قازاقستاندا 3000 جىلدىق تاريحى بار پيراميدا قالپىنا كەلتىرىلدى - فوتو
استانا. قازاقپارات - قاراعاندىلىق ارحەولوگتار قولا داۋىرىنە تيەسىلى سارىارقا پيراميداسىن قالپىنا كەلتىردى.
بۇل تۋرالى ارحەولوگ ۆيكتور نوۆوجەنوۆ فەيسبۋكتەگى پاراقشاسىندا جازدى، دەپ حابارلايدى قازاقپارات.
«جاز بويى ي. ا. كۋكۋشكيننىڭ جەتەكشىلىگىمەن ەكسپەديتسيا، ال كۇزدە تاريح عىلىمدارىنىڭ كانديداتى، بەلگىلى ارحەولوگ ا. ز. بەيسەنوۆتىڭ جەتەكشىلىگىمەن ءبىر توپ ماماندار سارىارقا پيراميداسى جوباسىن اياقتادى. ەندىگى كەزەكتە ەلدىڭ تۋريستىك كارتاسىندا ەرەكشە تاريحي ورىن پايدا بولدى!»، - دەيدى ۆيكتور نوۆوجەنوۆ.
ايتا كەتەيىك، سارى ارقا پيراميداسى مەملەكەت قورعاۋىنا الىنعان. ارحەولوگتار قازبا جۇمىستارى كەزىندە وسىدان 3200 جىل بۇرىن ءومىر سۇرگەن ەجەلگى ادامداردىڭ سۇيەگىن، قولدانعان تۇرمىستىق زاتتارىن تاپقان بولاتىن.
