300 مىڭ تەڭگەگە دەيىن: قازاقستاندا جاڭا ايىپپۇل مولشەرى بەكىتىلدى
استانا. KAZINFORM - قازاقستاندا اعاشتاردى جويعانى ءۇشىن وتەماقىنىڭ جاڭا مولشەرى بەكىتىلدى. ەندى كەيبىر اعاش تۇرلەرىن زاڭسىز كەسكەنىڭىز، بۇلدىرگەنىڭىز نەمەسە جيناعانىڭىز ءۇشىن ءبىر اعاشقا 314560 تەڭگەگە دەيىن تولەۋىڭىز مۇمكىن.
مۇنداي سوما ەكولوگيا مينيسترلىگىنىڭ بۇيرىعىندا كورسەتىلگەن، - دەپ حابارلايدى Massaget.kz ءتىلشىسى.
وزگەرىستەر 2023-جىلعى 61-بۇيرىققا ەنگىزىلگەن. قۇجات ەگجەي-تەگجەيلى كەستەمەن تولىقتىرىلعان، وندا وسىمدىكتەر الەمىنە كەلتىرىلگەن زالال ءۇشىن بازالىق مولشەرلەمە كورسەتىلگەن. ايىپپۇل مولشەرى تەك تۇقىمعا ەمەس، اعاشتىڭ نەمەسە بۇتانىڭ جاسىنا دا بايلانىستى بولماق.
جاس ساناتى ءتورت توپقا بولىنەدى: 10 جاسقا دەيىن، 11 دەن 20 عا دەيىن، 21 دەن 30 عا دەيىن جانە 31 جاستان جوعارى. اعاش نەعۇرلىم ۇلكەن بولسا، ايىپپۇل مولشەرى سوعۇرلىم جوعارى بولادى.
جەكە جانە زاڭدى تۇلعالاردان ايىپپۇل ءوندىرىپ الىنادى. جەرگىلىكتى ورگاندار توقسان سايىن سالىق ورگاندارىنا ءوندىرىپ الىنعان سوما تۋرالى ەسەپ بەرۋگە، سونداي-اق، زالالدى وتەتۋ ءۇشىن سوتقا تالاپ-ارىز بەرۋگە مىندەتتى.
جاڭا مولشەرلەمەلەر كۇشىنە ەندى.
