بيىل ق ر ەكونوميكاسىنا تىكەلەي شەتەلدىك ينۆەستيتسيا 30,4 پايىز ارتتى

نۇر- سۇلتان. قازاقپارات - 2021 -جىلدىڭ 1- جارتىجىلدىعىنىڭ قورىتىندىسى بويىنشا قازاقستان رەسپۋبليكاسىنىڭ ەكونوميكاسىنا تىكەلەي شەتەلدىك ينۆەستيتسيالار (ت ش ي) كولەمى % 30,4 ارتىپ، 11,1 ميلليارد دوللاردى قۇرادى.

بۇل تۋرالى primeminister.kz سايتىندا ءمالىم ەتىلدى، دەپ حابارلايدى قازاقپارات.

سالالار بولىنىسىندە شەتەلدىك ينۆەستيتسيالاردىڭ ەڭ كوپ ءوسىمى وڭدەۋ ونەركاسىبىندە - 57,2، ساۋدادا - 45,8، تاۋ- كەن ونەركاسىبىندە - 27,1، كولىكتە 20,4 پايىز بايقالادى. قازاقستان ەكونوميكاسىنا كاپيتال اعىنىنىڭ ءوسۋى بارلىق نەگىزگى ينۆەستور ەلدەر بويىنشا تىركەلىپ وتىر.

ماسەلەن، ت ش ي اعىنى نيدەرلاندىدان 3,3 ميلليارد دوللار (%24,5 ءوسۋ)، ا ق ش - 2,1 ميلليارد دوللار (%87,7 ءوسۋ)، شۆەيساريادان - 1,3 ميلليارد دوللار (%86,7 ءوسۋ)، ر ف- دان - 704,9 ميلليون دوللار (%17,0 ءوسۋ)، ق ح ر- دان - 508,7 ميلليون دوللار (%63,7 ءوسۋ)، بەلگيادان - 459,5 ميلليون دوللار (%4,3 ءوسۋ)، تۇركيادان - 388,7 ميلليون دوللار (%79,9 ءوسۋ)، وڭتۇستىك كورەيادان - 233,0 ميلليون دوللار (%33,1 ءوسۋ) قۇرادى.

وڭىرلەر بولىنىسىندە ەڭ جوعارى ينۆەستيتسيالىق بەلسەندىلىكتى اتىراۋ وبلىسى - 3,6 ميلليارد دوللار (15,4 ءوسۋ)، الماتى قالاسى - 3,0 ميلليارد دوللار (%26,3 ءوسۋ)، ش ق و - 1,3 ميلليارد دوللار (72,8 ءوسۋ) كورسەتتى.

وڭ ديناميكا سونداي- اق پاۆلودار وبلىسىندا - 514 ميلليون دوللار (%21,7 ءوسۋ)، قوستاناي وبلىسىندا - 496,4 ميلليون دوللار (2,2 ەسە ءوسۋ)، اقتوبە وبلىسىندا - 410,1 ميلليون دوللار (%53,2 ءوسۋ)، نۇر- سۇلتان قالاسىندا - 308,6 ميلليون دوللار (%10,2 ءوسۋ)، ماڭعىستاۋ وبلىسىندا - 302,9 ميلليون دوللار (%98,8 ءوسۋ)، تۇركىستان وبلىسىندا - 137,8 ميلليون دوللار (%85,1 ءوسۋ)، شىمكەنت قالاسىندا - 64,1 ميلليون دوللار (%22,4 ءوسۋ) بايقالىپ وتىر.

«ەل ەكونوميكاسىنا شەتەلدىك كاپيتال مەن تەحنولوگيالاردى تارتۋ قازاقستان رەسپۋبليكاسى ۇكىمەتىنىڭ باسىم مىندەتى. ۇلتتىق ەكونوميكانى ودان ءارى ءارتاراپتاندىرۋ جانە ونىڭ ءوسۋ ورنىقتىلىعىن ارتتىرۋ جونىندەگى ماقسات شەڭبەرىندە ۇكىمەت تىكەلەي شەتەلدىك ينۆەستيتسيالار اعىنىنىڭ قارقىنىن جىلىنا 30 ميلليارد دوللارعا دەيىن جەتكىزۋ جانە 2025 -جىلعا قاراي نەگىزگى كاپيتالعا ينۆەستيتسيالار دەڭگەيىن ءج ى و- گە شاققاندا % 30 دەيىن ارتتىرۋ بويىنشا جۇيەلى جۇمىستار جۇرگىزۋدە»، - دەلىنگەن سايتتا.