ماردىمسىز جالاقى سالدارىنان 30 جىلدا ەل عالىمدارىنىڭ سانى 2 ەسە قىسقارعان
مۇنداي دەرەكتەر اشىق تالقىعا شىعارىلعان 2023-2029 -جىلدارعا ارنالعان جوعارى ءبىلىم جانە عىلىمدى دامىتۋ تۇجىرىمداماسىندا كەلتىرىلگەن، دەپ حابارلايدى قازاقپارات ءتىلشىسى.
«سوڭعى 30 -جىلدا عالىمدار سانىنىڭ 2 ەسە قىسقارۋى بايقالادى (1991 -جىلى 40,8 مىڭ ادامنان 2021 -جىلى 21,6 مىڭ ادامعا دەيىن). عالىمدار ەڭبەكاقىسىنىڭ تۇراقسىز ءارى تومەن دەڭگەيى كادرلىق جانە عىلىمي الەۋەتتىڭ نەگىزگى پروبلەمالارىنىڭ بىرىنە اينالىپ وتىر. وسىنىڭ سالدارىنان عىلىم سالاسىنىڭ تارتىمدىلىعى تومەن. ماسەلەن، 2021 -جىلى عالىمداردىڭ ورتاشا جالاقىسى 187,7 مىڭ تەڭگەنى قۇرادى. بۇل قازاقستانداعى ورتاشا جالاقىنىڭ %75 تەڭ»، - دەلىنگەن قاۋلىدا.
ەسكە سالايىق، الداعى ءۇش جىلدا عىلىمدى دامىتۋعا 640 ميلليارد تەڭگەدەن استام قاراجات بولىنەدى.
2023-2029 -جىلدارعا ارنالعان جوعارى ءبىلىم جانە عىلىمدى دامىتۋ تۇجىرىمداماسى 3-ناۋرىزعا دەيىن كوپشىلىك تالقىلاۋدا بولادى.
