قازاقستاندا ە ك ۇ جاسايتىن 30 كلينيكانىڭ 19 ى تەگىن قىزمەت كورسەتەدى
سپيكەرلەردىڭ سوزىنشە، مەملەكەت باسشىسىنىڭ تاپسىرماسىمەن ىسكە قوسىلعان «اڭساعان ءسابي» ارنايى باعدارلاماسى بويىنشا كۆوتا كوپتەپ بولىنۋدە.
«ەلىمىزدە جىل سايىن 7 مىڭ كۆوتا بولىنەدى، ولار ايماقتارعا سايكەس بولىنگەن. قالامىز مەگاپوليس ەكەنىن ەسكەرسەك، ەڭ كوپ كۆوتا الماتىعا، سونداي-اق استانا قالاسىنا بولىنگەن»، - دەيدى اكۋشەرلىك، گينە ك ولوگيا جانە پەريناتولوگيا عىلىمي ورتالىعى ەكستراكورپورالدى ۇرىقتاندىرۋ ءبولىمىنىڭ مەڭگەرۋشىسى رادحا اريپوۆا.
ايتۋىنشا، قازاقستاندا 30 ە ك ۇ كلينيكاسى بار، ونىڭ 19 ى مىندەتتى الەۋمەتتىك مەديتسينالىق ساقتاندىرۋ (م ءا م س) جۇيەسىنە قاتىسادى.
«بىلتىر م ءا م س اياسىندا 210 باعدارلاما، 2021 -جىلى 133 باعدارلاما جۇزەگە اسىرىلدى. وسى جىلدىڭ ءبىرىنشى جارتىجىلدىعىندا تەك اكۋشەرلىك، گينە ك ولوگيا جانە پەريناتولوگيا عىلىمي ورتالىعى 125 ە ك ۇ باعدارلاماسىن الدى. بۇگىنگى كۇنى 210 ايەلدە ناتيجە بەلگىلى. ونىڭ ىشىندە 63 ايەلدە جۇكتىلىك انىقتالدى. تيىمدىلىك - 30 پايىز»، - دەپ اتاپ ءوتتى ر. اريپوۆا.
ە ك ۇ باعدارلاماسىنا قاتىساتىن پاتسيەنتتەردىڭ جاس ساناتى كەلەسىدەي:
- 29 جاسقا دەيىن - %22
- 30-39 جاس - %68
- 40+ جاس - %10
دارىگەرلەر اتاپ وتكەندەي، بەدەۋلىك دياگنوزى قويىلعان جانە ءبىر جىل بويى ەمدەلگەن، سونداي- اق ولاردا جاتىر تۇتىكتەرىنىڭ ابسوليۋتتى بىتەلۋى، سوزىلمالى ينفەكسيالار نەمەسە جاتىر تۇتىكتەرىن الۋ وپەراتسيالارى سياقتى بەلگىلەرى بار ەرلى- زايىپتىلار ە ك ۇ جاساۋعا قۇقىلى.
سونىمەن قاتار اندرولوگتار كورسەتكەندەي، ەرلەر فاكتورىمەن بايلانىستى پروبلەمالار بولسا ە ك ۇ پروتسەدۋراسىن جاساتا الادى. ەندوكريندىك فاكتورلارى بار جانە ارتىق سالماق سالدارىنان وۆۋلياتسيا بولماعان ايەلدەر ە ك ۇ جاساتا الادى.
رەپرودۋكتولوگ ەلۆيرا سارمانوۆا ە ك ۇ پروتسەدۋراسى توڭىرەگىندە ءالى دە قاتە تۇسىنىكتەر بار ەكەنىن ايتتى.
«ەڭ ءجيى كەزدەسەتىنى - ە ك ۇ ارقىلى تۋعان بالالاردىڭ دەنساۋلىعىندا اقاۋ بار، دەگەن وي- پىكىر. قوسىمشا رەپرودۋكتيۆتى تەحنولوگيالار دۇنيەجۇزىندە 40 -جىلدان بەرى قولدانىلىپ كەلەدى. وسى ۋاقىت ىشىندە الەمدە 100 مىڭنان استام دەنى ساۋ بالا دۇنيەگە كەلدى. بۇل بالالار مەديتسينالىق ۇيىمداردىڭ تۇراقتى باقىلاۋىندا. جۇرگىزىلگەن زەرتتەۋلەردىڭ ەشقايسىسى ە ك ۇ ارقىلى تۋعان بالالار مەن تابيعي جولمەن تۋعان بالالاردىڭ دەنساۋلىق جاعدايىنىڭ ايىرماشىلىعى بار ەكەنىن دالەلدەي المادى»، - دەدى ە. سارمانوۆا.
ال ەمبريولوگ ءمادينا سپانوۆا تانىمال پروتسەدۋرا - انالىق جىنىس جاسۋشاسىن مۇزداتۋ تۋرالى ايتتى. بۇل رەپرودۋكتيۆتى تەحنولوگيا بيولوگيالىق ماتەريالدى ساقتاۋ ءۇشىن قولدانىلادى.
«ۋاقىت وتە كەلە ايەلدەردە انالىق بەزدەردىڭ قورى تاۋسىلادى، حروموسومالىق اۋىتقۋلاردىڭ ىقتيمالدىعى دا ارتادى. 35 جاستان كەيىن انالىق جىنىس جاسۋشاسىنىڭ د ن ق قۇرىلىمى بۇزىلادى. بۇل، مىسالى، 10 ەمبريوننىڭ ەكى نەمەسە ءتورت ەمبريونىندا حروموسومالاردىڭ دۇرىس جيىنتىعى بولادى. سونداي-اق بالا ءسۇيۋ جاسىن ۇزارتۋ جانە انا بولۋدى دەنساۋلىققا ءقاۋىپ توندىرمەيتىن قولايلى ءومىر كەزەڭىنە قالدىرۋ. دارىگەرلەر ناۋقاستارعا قاتەرلى ىسىكپەن وپەراتسيادان بۇرىن جىنىس جاسۋشاسىن مۇزداتۋعا كەڭەس بەرەتىن كەزدەر بولادى. ياعني، حيميوتەراپيادان بۇرىن انالىق جىنىس جاسۋشاسىنىڭ جەتكىزىلۋىن ساقتاۋ ءۇشىن»، - دەپ ءبولىستى ول.
ايتا كەتەيىك، ە ك ۇ پروتسەدۋراسىن الۋ ءۇشىن الدىمەن تۇرعىلىقتى جەرى بويىنشا گينە ك ولوگپەن كەڭەسىپ، ءتيىستى جولداما الۋ كەرەك. بەدەۋلىك دياگنوزىمەن عانا كۆوتاعا قول جەتكىزۋ مۇمكىن.
