قىتاي قازاقستاننىڭ كاليلى كەن ورىندارىن يگەرۋگە 3 ميلليارد 800 ميلليون دوللار ينۆەستيسيا سالادى
بۇل تۋرالى بۇگىن ۇكىمەت ۇيىندە ق ر پرەمەر-ءمينيسترى كارىم ءماسىموۆ پەن قىتاي مەملەكەتتىك كەڭەسىنىڭ پرەمەرى لي كىشياڭنىڭ كەلىسسوزدەرىنەن كەيىن ق ر ينۆەستيسيالار جانە دامۋ ءمينيسترى اسەت يسەكەشيەۆ ءمالىم ەتتى.
ء«بىز ءبىرقاتار قۇجاتقا قول قويدىق. ونىڭ اراسىندا جاڭاسى دا، ەسكىسى دە بار. مەن ءبىرىنشى بولىمدە قول قويىلعان ۇكىمەتتىك قۇجاتتار جايىندا عانا ايتا الامىن. بىزدەردە كالي تىڭايتقىشى بويىنشا ۇلكەن باعدارلاما بولادى. وزدەرىڭىز دە بىلەتىندەي، مەملەكەت باسشىسى شي جينپيڭمەن كەزدەسۋىندە بىزدەر مەموراندۋمعا قول قويعان ەدىك. قازىرگى ۋاقىتتا ءبىز ونى تاعى ءبىر مارتە تىڭعىلىقتى قاراپ شىقتىق. قىتايلىق كومپانيالار ءوندىرىس كولەمىن ۇلعايتۋدى ۇسىندى. بۇل بىزدەر ءۇشىن جاڭا سالا»، - دەدى ول.
ءا. يسەكەشيەۆتىڭ ايتۋىنشا، اتالعان كەن ورنىنىڭ وندىرىستىك قۋاتىن ميلليون توننادان 2025 -جىلعا قاراي 7 ميلليون تونعا جەتكىزۋگە بولادى.
«وسىناۋ ءىرى باعدارلاما بويىنشا ينۆەستيتسيا كولەمى 3 ميلليارد 800 ميلليون دوللاردى قۇرايدى. 2015-2016 - جىلداردىڭ وزىندە عانا باتىس قازاقستان مەن اقتوبە وبلىستارى اۋماعىندا جاڭا ءوندىرىس قۇرىلىسى باستالادى. بەس مىڭ جۇمىس ورنى قۇرىلادى. وسىنداي ءىرى باعدارلاماعا بۇگىن قول قويدىق. جوعارىدا اتاپ وتكەن ينۆەستيتسيا كولەمى 2022 - جىلعا دەيىن يگەرىلەدى»، - دەدى ءا. يسەكەشيەۆ.
ايتا كەتەيىك، بۇگىن ق ر ينۆەستيسيالار مەن دامۋ مينيسترلىگى مەن ق ح ر ساۋدا-ونەركاسىپ بانكى، س ي ت ي ك جانە «قازاقستان پوتاش كورپورەيشن» ج ش س اراسىنداعى قازاقستاننىڭ كاليلى كەن ورىندارىنىڭ رەسۋرستارىن يگەرۋ بويىنشا شەكتەمەلى كەلىسىم بەكىتىلگەن بولاتىن.
اۆتور: مارلان جيەمباي
