ەۋروكوميسسيا ۋكراينادان كەلگەن بوسقىندارعا 3,5 ميلليارد ەۋرو ءبولدى

بريۋسسەل. قازاقپارات - ەۋروپالىق كوميسسيا ۋكراينادان كەلگەن بوسقىنداردى ءوز اۋماعىندا قابىلداۋ ءۇشىن ەۋرووداققا مۇشە مەملەكەتتەرگە 3,5 ميلليارد ەۋرودان استام اۆانس تولەدى، دەپ حابارلايدى قازاقپاراتتىڭ مەنشىكتى ءتىلشىسى.
None
None

بىرىكتىرۋ ساياساتى جانە رەفورمالار جونىندەگى ەۋروكوميسسار ەليزا فەررەيرا: «ەۋروپالىق وداق ۋكراينامەن، سونداي-اق ءبىزدىڭ مۇشە-مەملەكەتتەرمەن بوسقىنداردى قابىلداۋ ءۇشىن ىنتىماقتاسادى. بۇگىن ءبىز ىنتىماقتاستىعىمىزدىڭ تاعى ءبىر ناقتى ناتيجەسىن كورىپ وتىرمىز. ول - بىرىگۋ قورىن ەڭ قاجەت باعىتقا جۇمىلدىرۋ»، - دەپ مالىمدەدى.

ەۋروپالىق وداقتىڭ جۇمىسپەن قامتۋ جانە الەۋمەتتىك قۇقىقتار جونىندەگى كوميسسارى نيكولاس شميت: «ۋكراينادان قاشقان ادامدار قاۋىپسىز ءومىرىن قالپىنا كەلتىرۋ ءۇشىن دەرەۋ قولداۋدى قاجەت ەتەدى. وسى اۆانس ارقىلى وداققا مۇشە مەملەكەتتەر مۇقتاج جاندارعا ازىق-تۇلىك، باسپانا، دەنساۋلىق ساقتاۋ، ءبىلىم سالالارىندا، جۇمىسقا تۇرۋدا كومەك جانە تاعى باسقالارىن ۇسىنا الادى»، - دەدى.

ەۋروكوميسسيانىڭ باسپا ءسوز قىزمەتى 2022-جىلدىڭ 24- اقپانىنان كەيىن ەۋروكوميسسيا ۋكراينادان شىققان بەيبىت تۇرعىنداردى قولداۋعا جانە ە و- عا مۇشە مەملەكەتتەرگە ولاردى قابىلداۋعا جانە كومەك كورسەتۋگە بۇكىل كۇش-جىگەرىن جۇمىلدىرعانىن حابارلادى.

اتاپ ايتقاندا، ەۋروكوميسسيا 2014-2020-جىلدارعا ارنالعان باعدارلامالار شەڭبەرىندە بىرىكتىرۋ ساياساتىنان قولدا بار رەسۋرستاردى يكەمدى جۇمىلدىرۋ، سونداي-اق %100 قوسا قارجىلاندىرۋ جانە «REACT- EU» باعدارلاماسى شەڭبەرىندە قارجىلاندىرۋدى 3,5 ميلليارد ەۋروعا ۇلعايتۋ مۇمكىندىگىن ەنگىزدى. ەۋروكوميسسيا جارناسى ە و- عا مۇشە مەملەكەتتەردىڭ مەملەكەتتىك بيۋجەتىنە تۇسەتىن قوسىمشا جۇكتەمەنى جەڭىلدەتەدى.

سوڭعى جاڭالىقتار