ساپاسىز قىزمەت كورسەتكەن ۇيالى بايلانىس وپەراتورلارىنا 3,4 ميلليارد تەڭگە ايىپپۇل سالىندى
بۇل تۋرالى اشىق ن ق ا پورتالىندا جاريالانعان «ق ر كەيبىر زاڭنامالىق اكتىلەرىنە باسەكەلەستىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسىنا رەتتەۋشى ساياساتتىڭ كونسۋلتاتيۆتىك قۇجاتىندا جازىلعان، دەپ حابارلايدى قازاقپارات ءتىلشىسى.
«مەملەكەتتىڭ مونوپوليالانۋى جانە نارىقتىڭ جوعارى شوعىرلانۋى سالدارىنان وپەراتورلار اراسىندا كليەنت ءۇشىن باسەكەلەستىكتىڭ تومەندەۋى بايقالادى. باعانىڭ وسۋىنە، تۇتىنۋشىلارعا تالاپ ەتىلمەگەن قىزمەتتەردى جۇكتەۋگە، سونداي-اق بايلانىس جانە ينتەرنەت قىزمەتتەرىنىڭ ساپاسىنا شاعىمدار كوبەيدى. مىسالى، 2022 -جىلى جانە اعىمداعى جىلدىڭ وتكەن كەزەڭىندە تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇيالى بايلانىس وپەراتورلارىنا قاتىستى بايلانىس قىزمەتتەرىنىڭ ساپاسى بويىنشا 1492 تەكسەرۋ جۇرگىزىلدى جانە ولارعا 3 ميلليارد 44 ميلليون تەڭگە سوماسىنا ايىپپۇل سالدى»، - دەلىنگەن قۇجاتتا.
ءمالىم بولعانداي، بىلتىر باسەكەلەستىكتى قورعاۋ جانە دامىتۋ اگەنتتىگىنە «جارقىن+» تاريفتىك جوسپارى باعاسىنىڭ %52,4 عا، «قوڭىراۋ شالۋ» ءتاريفى بويىنشا قۇننىڭ %100 عا قىمباتتاۋىنا بايلانىستى شاعىمدار ءجيى تۇسكەن.
سونداي-اق، وتكەن جىلدىڭ سوڭىنداعى اقپاراتقا ساي، ەلىمزدە تىركەلگەن ابونەنتتەر سانى 25,1 ميلليونعا جەتكەن.
