جىل سايىن مەملەكەتتىك بيۋدجەتكە 3-4 تريلليون تەڭگە سالىق تۇسپەي قالادى
«ءبىز وسى ۋاقىتقا دەيىن بيۋدجەتتى تولىقتىرۋعا قاتىستى بۇكىل رەزەرۆتى ىسكە قوسقان جوقپىز. ارينە، رەسپۋبليكالىق بيۋدجەت 2017 -جىلعىمەن سالىستىرعاندا ايتارلىقتاي ۇلعايدى. ءبىراق، سالىق ورگاندارى ءوندىرىپ الۋى ءتيىس رەزەرۆ زاڭنان تىس قالىپ جاتىر. بۇل كولەڭكەلى ەكونوميكا - جىل سايىن مەملەكەتتىك بيۋدجەتكە تۇسەتىن 3 تريلليون تەڭگەدەن 4 تريلليون تەڭگەگە دەيىنگى سالىق. سونىمەن قاتار، وسىعان ونداعان جىلدار بويى ەسەپكە الىنباعان جانە كەيدە قارجى بيزنەسىنىڭ گۇلدەنۋى ءۇشىن قولدانىلۋىن جالعاستىرىپ جاتقان سالىقتىق جەڭىلدىكتەردى تاعى قوسىڭىز»، - دەدى ول.
ونىڭ اتاپ وتۋىنشە، ەلىمىزدە باسقا دا جەڭىلدىكتەر مەن ارتىقشىلىقتار بار، ولاردىڭ كولەمىن ەشكىم باعالاماعان.
جوعارى اۋديتورلىق پالاتانىڭ اۋديتى 64 سالىقتىق جەڭىلدىكتى ۇلتتىق ەكونوميكا مينيسترلىگى دە، مەملەكەتتىك كىرىستەر كوميتەتى دە ەسكەرمەگەنىن انىقتادى.
ال بۇل تەك 4 جىلداعى بيۋدجەت شىعىنى شامامەن 10 تريلليون تەڭگەنى قۇرادى.
«سونىڭ سالدارىنان سوزىلمالى بيۋدجەت تاپشىلىعى ورىن الدى. ياعني، كورپەڭە قاراي كوسىلىپ ەمەس، قارىزعا ءومىر سۇرەسىڭ. بۇل رەتتە ۇكىمەتتىك بورىشتى وتەۋگە جانە وعان قىزمەت كورسەتۋگە ارنالعان شىعىستار بيۋدجەتتىڭ تازا كىرىستەرىنىڭ 25 پايىزىن نەمەسە 2,9 تريلليون تەڭگەنى قۇرايدى»، - دەدى ناتاليا گودۋنوۆا.
