قازاقستاندا مال شارۋاشىلىعى ونىمدەرى 3,4 پايىزعا ارتتى
ەسەپتىك كەزدەسۋگە رەسپۋبليكانىڭ وبلىستىق جانە اۋداندىق اكىمدىكتەرى بەينە كونفەرەنتسيا بايلانىسى رەجيمىنە قوسىلا وتىرىپ، قوعام وكىلدەرى دە قاتىستى.
ا. مىرزاحمەتوۆتىڭ ايتۋىنشا، سوڭعى جىلدارى ەلىمىزدە مال سانىنىڭ ءوسىمى بايقالىپ، ەت پەن مال شارۋاشىلىعى ونىمدەرىنىڭ ەكسپورتى دا ارتقان. ماسەلەن، 2015-جىلدىڭ قورىتىندىسى بويىنشا ەلىمىزدەگى ءىرى قارا مال سانى 2,5 پايىزعا ءوسىپ، 6 ميلليون 183,9 مىڭ باستى قۇرادى.
«مال شارۋاشىلىعى ونىمدەرى 3,4 پايىزعا ارتىپ، 931 مىڭ توننانى قۇرادى. سونىڭ ىشىندە تاۋىق جۇمىرتقاسىن ءوندىرۋ 10,4 پايىز، (4 737,0 ميلليون دانا)، سيىر ءسۇتىنىڭ ءونىمى 2,3 پايىزعا (5 182,4 مىڭ تونناعا) ارتتى»، - دەدى مينيستر.
بۇدان باسقا، رەسپۋبليكا بويىنشا قازاقستاندىق ازىق- تۇلىك ونىمدەرىنىڭ ەكسپورتى دا ءوسىم كورسەتكىشىنە يە. ماسەلەن، ەت پەن ەت ونىمدەرىنىڭ ەكسپورتى 16,1 مىڭ توننانى قۇراپ، الدىڭعى جىلمەن سالىستىرعاندا 32 پايىزعا ارتقان. سونىڭ ىشىندە سيىر ەتىنىڭ ەكسپورتى 6,5 مىڭ توننانى، قۇس ەتى 7,3 مىڭ توننانى، شوشقا ەتى 2,2 مىڭ توننانى قۇرادى. سونىمەن قاتار، ەسەپتى كەزەڭدە سىر مەن ىرىمشىكتىڭ ەكسپورت كورسەتكىشى دە 2,2 ەسەگە ارتىپ، 1,5 مىڭ تونناعا جەتىپ وتىر. ۆەدومستۆو باسشىسىنىڭ ايتۋىنشا، ءسۇت ونىمدەرىنىڭ ەكسپورتى نەگىزىنەن رەسەي مەن قىرعىزستانعا باعىتتالعان.
اۆتور: قانات مامەتقازى ۇلى
