جىل باسىنان بەرى حالىقارالىق رەزەرۆ 3,2 پايىزعا ارتىپ، 94,3 ميلليارد ا ق ش دوللارىنا جەتتى - ۇلتتىق بانك
بۇگىن پارلامەنت سەناتىنىڭ جالپى وتىرىسىندا 2015 -جىلعى بيۋدجەتتىڭ اتقارىلۋى تۋرالى ۇكىمەتتىڭ ەسەبىن تالقىلاۋ بارىسىندا بايانداما جاساعان ق ر ۇلتتىق بانكى ءتوراعاسىنىڭ ورىنباسارى الپىسباي احمەتوۆ وسىلاي ءمالىم ەتتى.
ونىڭ ايتۋىنشا، ۇلتتىق بانكتىڭ جالپى حالىقارالىق رەزەرۆتەرى جىل باسىنان بەرى مامىردىڭ سوڭىنا دەيىن 1 ميلليارد دوللارعا ءوسىپ، 28,8 ميلليارد دوللاردى قۇرادى. مامىردىڭ سوڭىندا ۇلتتىق قور اكتيۆتەرى جىل باسىنان بەرى 65,5 ميلليارد ا ق ش دوللارىنا دەيىن ءوستى.
«ۇلتتىق قور كولەمىنىڭ ءوسۋى جالپى پورتفەلدەگى قارجى قۇرالدارىنىڭ وڭ ينۆەستيتسيالىق كىرىستىلىگىنە بايلانىستى بولىپ تابىلادى. سونىمەن قاتار، ۆاليۋتاداعى تۇسىمدەر دە وڭ ناتيجە كورسەتۋدە. وسىنىڭ ناتيجەسىندە ەلىمىزدىڭ حالىقارلىق رەزەرۆتەرى جىل باسىنان بەرى 2,9 ميلليارد نەمەسە 3,2 پايىزعا ارتا وتىرىپ، 94,3 ميلليارد ا ق ش دوللارىنا جەتتى»، - دەدى ا. احمەتوۆ.
اۆتور: قانات مامەتقازى ۇلى
