قازاقستاندا كوروناۆيرۋسپەن اۋىرعاندار سانى 3,1 ەسەگە ازايدى

نۇر- سۇلتان. قازاقپارات - قازاقستاندا كوروناۆيرۋسپەن اۋىرعان ادامدار سانى 3,1 ەسەگە ازايدى . بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«رەسپۋبليكادا وڭ پ ت ر تەستىمەن كوروناۆيرۋس ينفەكسياسىنىڭ 980372 جاعدايى جانە تەرىس پ ت ر تەستىمەن 83437 جاعدايى تىركەلدى. ناۋقاستاردىڭ 96 پايىزدان استامى ساۋىعىپ شىقتى»، - دەدى الەكسەي سوي.

ونىڭ اتاپ وتۋىنشە، رەپرودۋكتيۆتى سان - 0,89 جانە تامىز ايىمەن سالىستىرعاندا 1,2 ەسە تومەندەگەنى بايقالادى.

«جالپى قازاقستاندا سوڭعى ايدا اۋىرعان ادامداردىڭ سانى 3,1 ەسەگە ازايدى. ستاتسيونارلىق جانە امبۋلاتوريالىق ەم الىپ جاتقانداردىڭ سانى 1,7 ەسەگە قىسقاردى. ينفەكتسيالىق توسەكتەردىڭ قامتىلۋى 23، رەانيماتسيالىق توسەكتەر 20 پايىزدى قۇرايدى»، - دەدى مينيستر.