ەلىمىزدە اقىلى مەكتەپتەردە ءبىلىم الۋ قۇنى 2 ەسەگە ارزاندايدى

استانا. قازاقپارات - ەلىمىزدە اقىلى مەكتەپتەردە ءبىلىم الۋعا اتا-انالار تولەيتىن تولەماقى مولشەرى 2 ەسەگە قىسقارتىلماق، دەپ حابارلايدى قازاقپارات ءتىلشىسى.
None

«ورتا ءبىلىم بەرۋگە مەملەكەتتىك ءبىلىم بەرۋ تاپسىرىسىن الاتىن جانە مىنالاردى: رەسپۋبليكالىق بيۋجەت تۋرالى زاڭدا بەلگىلەنگەن ايلىق ەسەپتىك كورسەتكىشتىڭ 600 ەسەلەنگەن مولشەرىندە جانە ءتيىستى قارجى جىلىنىڭ 1- قاڭتارىنا قولدانىستا بولاتىن باستاۋىش، نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن؛ رەسپۋبليكالىق بيۋجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1- قاڭتارىنا قولدانىستا بولاتىن ايلىق ەسەپتىك كورسەتكىشتىڭ 1200 ەسەلەنگەن مولشەرىندە حالىقارالىق باكالاۆريات ۇيىمىندا اۆتورلاندىرۋدان نەمەسە حالىقارالىق ينستيتۋتسيونالدىق اككرەديتتەۋدەن وتكەن دەربەس ازىرلەنگەن ينتەگراتسيالانعان ءبىلىم بەرۋ باعدارلامالارىن ىسكە اسىراتىن جەكەمەنشىك ورتا ءبىلىم بەرۋ ۇيىمدارىنداعى وقۋعا اتا-انا تولەماقىسىنىڭ شەكتى مولشەرى بەكىتىلسىن»، - دەلىنگەن اشىق ن ق ا پورتالىندا جاريالانعان وقۋ-اعارتۋ ءميينسترى بۇيرىعىنىڭ جوباسىندا.

مەملەكەتتىك ءبىلىم بەرۋ تاپسىرىسىن الاتىن جەكەمەنشىك ورتا ءبىلىم بەرۋ ۇيىمدارىنداعى وقۋعا اتا-انا تولەماقىسىنىڭ شەكتى مولشەرىنە ءبىلىم الۋشىلاردىڭ تۇرۋ (ينتەرناتتىق ۇيىمدار)، ولاردى جەكەمەنشىك ورتا ءبىلىم بەرۋ ۇيىمىنا جەتكىزۋ جانە (نەمەسە) كەرى قاراي تاسىمالداۋ، مەملەكەتتىك جالپىعا مىندەتتى ءبىلىم بەرۋ ستاندارتتارىنان تىس قوسىمشا ءبىلىم بەرۋ قىزمەتتەرى مەن ءبىلىم بەرۋ، سونداي-اق ەرىكتى تۇردە جۇزەگە اسىرىلاتىن ءبىلىم الۋشىلاردىڭ تاماقتانۋى ءۇشىن تولەماقى قوسىلمايدى.

ايتا كەتەيىك، بۇعان دەيىن باستاۋىش، نەگىزگى ورتا جانە جالپى ورتا ءبىلىم بەرەتىن جەكەمەنشىك ۇيىمدارداعا اتا-انالاردىڭ تولەماقىسى 1200 ا ە ك- ءتى، ال حالىقارالىق باكالاۆريات ۇيىمىندا اۆتورلاندىرۋدان نەمەسە حالىقارالىق ينستيتۋتسيونالدىق اككرەديتتەۋدەن وتكەن دەربەس ازىرلەنگەن ينتەگراتسيالانعان ءبىلىم بەرۋ باعدارلامالارىن ىسكە اسىراتىن جەكەمەنشىك ۇيىمدارىندا 2400 ا ە ك- ءتى قۇراعان بولاتىن.

ەلىمىزدە 1 ا ە ك 3450 تەڭگەنى قۇرايدى.


سوڭعى جاڭالىقتار