ىستىقكولدە سۋ اتتراكسيونى اپاتقا ۇشىراپ، 2 ادام قازا تاپتى

بىشكەك. كابار- قازاقپارات - ىستىقكولدە «تابلەتكا» سۋ اتتراكسيونىندا دەمالۋشىلار تەپلوحودقا سوعىلىپ، قىز بەن جىگىت قازا تاپتى، دەپ حابارلايدى قازاقپارات «كابارعا» سىلتەمە جاساپ.
None

وڭىرلىك ءى ءى ب باسپا ءسوز قىزمەتىنىڭ مالىمەتىنشە، وقىس وقيعا تۋرالى ءۇش زارداپ شەگۋشى تۇسكەن اۋرۋحانادان حابارلانعان.

23- شىلدە كۇنى ساعات 16:30 دا شولپان- اتاداعى جاعاجايلاردىڭ بىرىندە موتورلى كاتەر «تابلەتكا» سۋ اتتراكسيونى قىزمەتىن كورسەتىپ، دەمالۋشىلاردى قىدىرتقان. تۋريستەر وتىرعان باللون تەپلوحودقا سوعىلادى.

وقيعادا ءۇش ادام زارداپ شەكتى، ونىڭ ەكەۋى قىز بەن جىگىت سول كۇنى جانساقتاۋ بولىمىندە قازا تاپتى. تاعى ءبىر زارداپ شەگۋشى حيرۋرگيا بولىمىندە ەم الىپ جاتىر.

ميليتسيا كۇدىكتىنى ۇستادى، ول تەرگەۋ كەزىندە كىناسىن مويىندادى.

قازىرگى ۋاقىتتا سوت- مەديتسينالىق ساراپتاماسى تاعايىندالدى، سوتقا دەيىنگى تەرگەۋ ءجۇرىپ جاتىر.

بۇعان دەيىن شولپان- اتا قالاسىندا ىستىقكول جاعاجايىندا گيدروتسيكل (سۋ سكۋتەرى) ەكى ادامدى قاعىپ، مەرت قىلعانى تۋرالى حابارلاعان ەدىك.


سوڭعى جاڭالىقتار