قازاقستان مەن سينگاپۋر اراسىنداعى ساۋدا اينالىمى 2 ميلليارد دوللار بولدى
«ساۋدا-ەكونوميكالىق ارىپتەستىك ءبىزدىڭ قارىم-قاتىناسىمىزدىڭ وزەگى بولىپ وتىر. سينگاپۋر - قازاقستان ءۇشىن ASEAN ايماعىنداعى ەڭ ءىرى ساۋدا-ينۆەستيتسيالىق ارىپتەستەردىڭ ءبىرى. بىلتىر اراداعى ساۋدا اينالىمى %65 ءوسىپ، 2 ميلليارد دوللار بولدى. سونداي-اق، كەيىنگى جىلدارى بۇل ەلدەن تارتىلعان ينۆەستيتسيا كولەمى 6 ەسە ءوسىپ وتىر. قازاقستاندا وسى ەلمەن بىرلەسكەن 230 دان استام كومپانيا جۇمىس ىستەپ تۇر»، - دەدى ءاليحان سمايىلوۆ.
ۇكىمەت باسشىسى اراداعى ەكونوميكالىق بايلانىستى ارتتىراتىن جولدار ءالى دە كوپ ەكەنىن اتادى.
«سينگاپۋرلىق ءىرى كومپانيالار قازاقستانداعى قىزمەت اياسىن كەڭەيتىپ جاتقانىنانە وتە قۋانىشتىمىن. «Surbana Jurong» كومپانياسىنا الماتى وبلىسىندا G4 City اتتى ءورشىل جوبانى ىسكە اسىرۋدا تابىستى ارىپتەستىك ورناتقانى ءۇشىن العىس ايتقىم كەلەدى. جوبانىڭ ماقساتى - G4 City ارنايى ەكونوميكالىق ايماعىن قازاقستانداعى ەڭ ءىرى ينۆەستيتسيالىق ورتالىققا اينالدىرۋ. سونداي- اق، pca International كومپانياسىنا جاسالعان كەلىسىم ءۇشىن العىس ايتقىم كەلەدى. ءبىز بۇل كاسىپورىنمەن جۇك تاسىمالى سالاسىندا بىرلەسكەن كاسىپورىن قۇرۋعا ىنتالىمىز. سونىمەن بىرگە ءبىز Indorama Corporation Pte كومپانياسىمەن ارىپتەستىك ورناتىپ وتىرمىز»، - دەدى پرەمەر-مينيستر.
