ك س ر و-نىڭ «حالىق ارتىستەرىنە» بەرىلەتىن ۇستەماقى 2 ەسە ۇلعايدى - ۇكىمەت قاۋلىسى

استانا. قازاقپارات - پرەمەر-مينيستر ءاليحان سمايىلوۆ «مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار مەن قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» ۇكىمەت قاۋلىسىنا قول قويدى، دەپ حابارلايدى قازاقپارات ءتىلشىسى.

«بۇرىنعى كەڭەستىك سوتسياليستىك رەسپۋبليكالار وداعىنىڭ «حالىق» دەگەن قۇرمەتتى اتاعى بار جانە رەسپۋبليكانىڭ قۇرمەتتى اتاقتارىنا يە بولعان قىزمەتكەرلەرگە بازالىق لاۋازىمدىق ايلىعىنىڭ %100 مولشەرىندە، بۇرىنعى ك س ر و-نىڭ «ەڭبەك سىڭىرگەن» قۇرمەتتى اتاعى بار جانە رەسپۋبليكانىڭ قۇرمەتتى اتاقتارىنا يە بولعان قىزمەتكەرلەرگە بازالىق لاۋازىمدىق ايلىعىنىڭ %30 كولەمىندە ۇستەماقى تولەنسىن»، - دەلىنگەن ۇكىمەت قاۋلىسىندا.

ايتا كەتەيىك، بۇرىن مۇنداي قۇرمەتتى اتاعى بار ازاماتتارعا ءوز جالاقىسىنىڭ %50 كولەمىندە ۇستەماقى بەرىلەتىن. ەندى ونىڭ مولشەرى %100، ياعني تولىق ايلىق مولشەرىنە دەيىن ۇلعايىپ وتىر.

قاۋلى قول قويىلعان كۇننەن، اتاپ ايتقاندا 13-ساۋىردەن باستاپ كۇشىنە ەندى.