قوستانايدا 2 اپتادا قوس جاس ءوسپىرىمدى فۋتبول قاقپاسى باسىپ قالدى
«ناۋقاستىڭ 12 ەلى ىشەگى ۇزىلگەن. بۇل - سيپاتى مەن ەمدەلۋى ەڭ اۋىر جاراقاتتاردىڭ ءبىرى. اسقىنۋلار بولۋى مۇمكىن. بالا جانساقتاۋ بولىمىندە جاتىر، وعان وكپەنى جاساندى جەلدەتۋ اپپاراتى قوسىلعان. وتا جاسالدى. جاعدايى اۋىر، ءبىراق تۇراقتاندى. ءوز بەتىمەن دەمالۋى ءۇشىن اپپاراتتى اجىراتۋ بويىنشا شەشىم قابىلدايمىز»، - دەدى وبلىستىق بالالار اۋرۋحاناسى حيرۋرگيالىق قىزمەت سەكتورىنىڭ مەڭگەرۋشىسى يگور بەلوبرجيتسكي.
وقيعا 12-ءساۋىر كۇنى بولعان. دارىگەردىڭ ايتۋىنشا، اۋرۋحاناعا وسىدان 2 اپتا بۇرىن ءدال وسىنداي وقيعادان كەيىن ۇزىنكول اۋدانىنان 16 جاسار بالا تۇسكەن.
«جاس ءوسپىرىمنىڭ باسىنا فۋتبول قاقپاسى قۇلاعان. باس سۇيەك-مي جاراقاتىمەن ءتۇستى. جاعدايى ورتاشا اۋىر بولدى. قازىر جازىلىپ كەلەدى. وسىدان 4 جىل بۇرىن قوستانايدا ۇستىنە فۋتبول قاقپاسى قۇلاعان بالا كوز جۇمعان ەدى. ەندى مۇنداي جاعدايلار قايتالانبايتىن شىعار دەپ ويلاعانبىز. وكىنىشكە قاراي، ماسەلە ءالى دە بار»، - دەدى دارىگەر.
