وزبەكستاندا 2 بانك جابىلىپ قالدى

تاشكەنت. ءوزا- قازاقپارات - وزبەكستان ورتالىق بانكىنىڭ شەشىمىمەن «Turkistonbank» پەن «Hi-tech bank» ليسەنزياسىنان ايىرىلدى. بۇل تۋرالى قازاقپارات ءوزا سىلتەمە جاساپ حابارلايدى.

رەسمي اقپاراتقا سايكەس، ورتالىق بانك باسقارماسىنىڭ 2022 -جىلعى 7-قازانداعى وتىرىسىندا جوعارىدا اتالعان بانكتەردىڭ قىزمەتىن جۇزەگە اسىرۋ قۇقىعىن بەرەتىن ليتسەنزيالارىنىڭ كۇشىن جويۋ تۋرالى شەشىم قابىلدانعان.

ەكى بانكتە دە «بانكتەر جانە بانك قىزمەتى تۋرالى» زاڭنىڭ 54-جانە 77-باپتارىندا كورسەتىلگەن ەرەجە بۇزۋشىلىقتارعا جول بەرىلگەن جانە ليسەنزيانى قايتارىپ الۋ ءۇشىن كەلەسى سەبەپتەر كورسەتىلگەن:

بانك اكتيۆتەرى بويىنشا ىقتيمال شىعىندارعا قارسى رەزەرۆتەردىڭ جەتكىلىكسىزدىگى، ءوزىنىڭ رەتتەۋشى كاپيتالىنىڭ ەلۋ پايىزىنان استامىن جوعالتقاندىعى، بانكتىك قىزمەتتەردى تۇتىنۋشىلاردىڭ قۇقىقتارى مەن زاڭدى مۇددەلەرىن بۇزعاندىعى، ورتالىق بانكتىڭ نۇسقاۋلارىن كورسەتىلگەن مەرزىمدە ورىنداماۋ جانە ايىپپۇل سالعاننان كەيىن سول بۇزۋشىلىقتى قايتالاپ بۇزۋىنا وراي تاعى بىرنەشە ەرەجەنى ءوز مەجەسىندە ورىنداماعىنىنا بايلانىستى «وزبەكستان رەسپۋبليكاسىنىڭ ورتالىق بانكى تۋرالى» زاڭنىڭ 20-بابىنا سايكەس ورتالىق بانك باسشىلىعى وسىنداي شەشىم قابىلداعان.

حاباردا ايتىلۋىنشا، «Turkistonbank» اكتيۆتەرى بويىنشا رەسپۋبليكانىڭ بانك جۇيەسىندە 26 شى، ال «Hi-tech» بانكى 29- ورىندى يەلەگەن.