قازاقستانعا كۇندەلىكتى كەلەتىن رەسەيلىكتەر سانى 2 ەسەگە ارتتى
«رەسەي فەدەراتسياسى ازاماتتارىنىڭ يمميگراتسياسىنا توقتالا وتىرىپ، كەلەسى تالداۋدى اتاپ ءوتۋ قىزىقتى دەپ سانايمىن. 2019 -جىلى پاندەميا بولماي تۇرعان كەزدە قازاقستانعا 2 ميلليون 875 مىڭ رەسەيلىك كەلدى. ياعني، سول كەزدە 3 ميلليونعا جۋىق ادام كىردى. ال بيىلعى 9-ايدا بۇل كورسەتكىش - 1 ميلليون 600 مىڭ. الايدا، رەسەي بيلىگىنىڭ تاياۋداعى شەشىمدەرىنەن كەيىن وتكەن اپتادان باستاپ رەسەي فەدەراتسياسىنان ەميگرانتتار اعىنى كوپتەگەن باعىتتاردا، ونىڭ ىشىندە قازاقستانعا دا ۇلعايدى»، - دەدى ول ءى ءى م باسپا ءسوز قىزمەتىندەگى بريفينگ بارىسىندا.
ونىڭ دەرەگىنشە، وسى جىلعى 21- قىركۇيەككە دەيىن قازاقستانعا كۇن سايىن 9-12 مىڭعا جۋىق رەسەيلىك كەلىپ، كەتىپ وتىرعان.
«22- قىركۇيەكتەن باستاپ قازاقستانعا ولاردىڭ سانى كۇنىنە ەكى ەسەگە ارتتى. سوندىقتان رەسەي فەدەراتسياسىنىڭ شەكاراسى جاعىنان كەپتەلىستەر بولىپ جاتىر»، - دەدى اسلان اتالىقوۆ.
ول قىركۇيەكتە 40 مىڭنان استام رەسەيلىك قازاقستان اۋەجايلارى ارقىلى باسقا ەلدەرگە ۇشىپ كەتكەنىن دە اتاپ ءوتتى.
«اۋەجايلارىمىزدى رەسەيلىكتەر قونىس اۋدارۋ ءۇشىن پايدالانادى. بۇل يمميگراتسيا اعىمىنىڭ سەبەپتەرىنىڭ ءبىرى سانالادى. ترانزيتكە كەلەتىن بولساق، قىركۇيەك ايىنىڭ سوڭعى كۇندەرى عانا قازاقستاننان رەسەي فەدەراتسياسىنىڭ 40 مىڭنان استام ازاماتى كەتتى»، - دەدى اسلان اتالىقوۆ ءى ءى م باسپا ءسوز قىزمەتىندەگى بريفينگ بارىسىندا.
ونىڭ دەرەگىنشە، مىڭداعان ادام قازاقستان ارقىلى وڭتۇستىك كورشىلەرىمىز - قىرعىزستان مەن وزبەكستانعا اتتاندى. 5 كۇن ىشىندە 6 مىڭعا جۋىق رەسەيلىك قازاقستان اۋەجايلارى ارقىلى ۇشىپ شىقتى.
«كوشى- قون باقىلاۋىنا كەلەتىن بولساق، ءبىز مالىمدەگەندەي، زاڭناما بۇل پروتسەستەردى جانە شەتەلدىكتەردىڭ قازاقستاندا بولۋ ءتارتىبىن رەتتەيدى. ولاردىڭ ەسەبى جۇرگىزىلەدى. بولۋ مەرزىمى باقىلانادى. كوشى- قون زاڭناماسىن بۇزۋشىلارعا كوزدەلگەن دەن قويۋ شارالارى قابىلدانادى»، - دەدى ول.
«جالپى، بيىلعى جىل - كوشى- قون سالاسى ءۇشىن ەرەكشە جىل. بۇكىل الەمدە، ونىڭ ىشىندە قازاقستاندا دا ەكى جىلدان استام ۋاقىت بويى كوشى- قون پروتسەستەرى كوروناۆيرۋس پاندەمياسىنا بايلانىستى توقتاپ قالدى. قازاقستاندا كوشىپ كەتۋ مەن كوشىپ كەلۋ ءۇشىن جاڭا ەسەپ نۇكتەسى 2022 -جىلعى 11- ساۋىردە باستالدى. بۇل كۇنى قازاقستان كارانتين شەكتەۋلەرىن جەڭىلدەتىپ، مەملەكەتتىك شەكارانىڭ قۇرلىقتاعى وتكىزۋ پۋنكتتەرى ارقىلى ءوتۋ مۇمكىندىگىن اشتى»، - دەدى ول ءى ءى م باسپا ءسوز قىزمەتىندەگى بريفينگ بارىسىندا.
ونىڭ اتاپ وتۋىنشە، كوشى- قون ءۇردىسىنىڭ كەلىم- كەتىم وسە باستادى.
«ناتيجەسىندە جىل باسىنان بەرى ەلىمىزگە 4 ميلليون 399 مىڭ شەتەلدىك كەلدى. ونىڭ ىشىندە: رەسەيدەن - 1 ميلليون 700 مىڭ، وزبەكستاننان 1,5 ميلليون ، قىرعىزستاننان - 547 مىڭ، تاجىكستاننان 200 مىڭنان استام ادام. وسى ۋاقىت ىشىندە قازاقستاننان 4 ميلليون 155 مىڭ شەتەلدىك كەتتى. ونىڭ ىشىندە: - رەسەي فەدەراتسياسىنىڭ 1 ميلليون 666 مىڭ ازاماتى؛ 1 ميلليون 370 مىڭ وزبەكستان ازاماتى، 540 مىڭ قىرعىزستان ازاماتى، 196 مىڭ تاجىكستان ازاماتى»، - دەدى اسلان اتالىقوۆ.
