بيىل قىرعىزستانعا 2 ميلليوننان استام تۋريست بارعان

بىشكەك. قازاقپارات - بىشكەك. قازاقپارات - قىرعىزستاننىڭ تۋريزم سالاسى بىرتىندەپ قالپىنا كەلىپ، 2022 -جىلدىڭ ءبىرىنشى جارتىجىلدىعىندا وتكەن جىلدىڭ سايكەس كەزەڭىمەن سالىستىرعاندا تۋريستەر اعىنى ەكى ەسە ارتتى، دەپ حابارلايدى قازاقپارات.

قىرعىزستاننىڭ ۇلتتىق ستاتيستيكا كوميتەتىنىڭ مالىمەتىنشە، بيىلعى جىلدىڭ ءبىرىنشى جارتىسىندا ەلگە شەت مەملەكەتتەردەن 2,6 ميلليون ادام كەلگەن، ونىڭ 2,5 ميلليونى (%97) – ت م د ەلدەرىنەن كەلگەن تۋريستەر. ولاردىڭ ەڭ كوبى وزبەكستان، قازاقستان جانە رەسەي ازاماتتارى.

ت م د- دان تىس ەلدەردەن كەلگەن قوناقتار اعىنى دا ەكى ەسە ءوسىپ، 74 مىڭنان استام ادامدى قۇراعان. سونىڭ ىشىندە نەگىزىنەن تۇركيا، گەرمانيا، ا ق ش، ءۇندىستان، قىتاي، موڭعوليا جانە ساۋد ارابياسىنىڭ ازاماتتارى بار.

بۇعان دەيىن حابارلانعانداي، مامىر ايىنان باستاپ قىرعىزستان رەسپۋبليكاعا كەلەتىندەر ءۇشىن كوروناۆيرۋس پاندەمياسىنا بايلانىستى بارلىق شەكتەۋلەردى الىپ تاستادى.

اۆتور

زارينا تۋعانبايەۆا