ش ق و- دا اپات سالدارىنان كولىكتە قىسىلىپ قالعان 2 ادام قۇتقارىلدى
بۇل تۋرالى گلۋبوكوە اۋدانىنىڭ توتەنشە جاعدايلار باسقارماسىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«30-شىلدەدە گلۋبوكوە كەنتىنىڭ №23-ءورت ءسوندىرۋ بولىمىنە جول- كولىك وقيعاسى تۋرالى حابارلاما ءتۇستى. اتاپ ايتقاندا، ستەپنايا كوشەسىندە كولىك اعاشقا سوعىلىپ، سالدارىنان وندا 2 ادام قىسىلىپ قالعان. دەرەۋ وقيعا ورنىنا جەتكەن جەدەل قۇرامنىڭ 3 قىزمەتكەرى كولىك ىشىندە قول- اياعى سىنعان جانە بىرنەشە جەردەن جاراقات العان ەكى ادام بار ەكەنىن انىقتاعان. جولاۋشىلار الدىڭعى جانە ارتقى ورىندىقتاردىڭ اراسىندا قىسىلىپ قالعان. قۇتقارۋشىلار گيدراۆليكالىق قۇرالمەن اۆتوموبيل ىشىنەن ادامداردى الىپ شىعىپ، جەدەل جاردەم قىزمەتكەرلەرىنىڭ قولىنا تاپسىردى. جول- كولىك وقيعاسىنان قازا بولعاندار جوق»، - دەپ حابارلادى جەرگىلىكتى قۇزىرلى ورگاننىڭ باسپا ءسوز قىزمەتىنەن.
