تۇيمەبايەۆ پرەزيدەنتكە 2 مىڭنان استام قازۇۋ وقىتۋشىسى باسپاناعا مۇقتاج ەكەنىن جەتكىزدى

قاسىم- جومارت توقايەۆقا وقۋ ورنىنىڭ ءبىر جىلدا اتقارعان جۇمىستارى مەن الداعى دامۋ جوسپارى تانىستىرىلدى. سونداي- اق رەكتور مەملەكەت باسشىسىنا ءبىلىم بەرۋ ۇدەرىسى، عىلىمي- زەرتتەۋ جۇمىستارى جانە ۋنيۆەرسيتەتتىڭ حالىقارالىق جەتىستىكتەرى تۋرالى باياندادى. كەزدەسۋ بارىسىندا جانسەيىت تۇيمەبايەۆ پرەزيدەنتكە عىلىمي جوبالاردىڭ تيىمدىلىگى مەن كادرلاردىڭ الەۋەتىن ارتتىرۋ جانە وقۋ ورداسىنىڭ 90 جىلدىعى قارساڭىندا قازۇۋ قالاشىعىن قايتا جاڭعىرتۋ جونىندەگى ۇسىنىسىن جەتكىزدى.
ونىڭ ايتۋىنشا، 2024 -جىلعا قاراي ۋنيۆەرسيتەت ەلىمىزدىڭ عىلىمي- تەحنيكالىق دامۋىنىڭ پەرسپەكتيۆتى دەگەن باعىتتارى بويىنشا 650 دەن استام عىلىمي جوبانى قولعا الماق. رەكتور عىلىمي جوبالاردىڭ ناتيجەلەرىن ەكونوميكانىڭ ناقتى سەكتورىنا اينالدىرۋ 20 عا جۋىق سپين- وفف كومپانيالارىن قۇرۋ ارقىلى جۇزەگە اسىرىلاتىنىن ايتتى. جانسەيىت تۇيمەبايەۆ جەتەكشى وقۋ ورنىنداعى ۇزاق جىلداردان بەرى قوردالانعان ماسەلەلەرگە دە توقتالىپ، ولاردى شەشۋ جولدارى تۋرالى ۇسىنىسىن جەتكىزدى. اتاپ ايتقاندا، ەسكىرگەن جاتاقحانالار مەن توزىعى جەتكەن وقۋ كورپۋستارىنىڭ جاي- كۇيى، 2 مىڭنان استام وقىتۋشى مەن قىزمەتكەردىڭ باسپاناعا مۇقتاجدىعى جونىندە باياندادى. كەزدەسۋ سوڭىندا پرەزيدەنت ءبىلىم ساپاسىن تۇبەگەيلى جاقسارتۋ جانە ەلىمىزدىڭ الەۋمەتتىك- ەكونوميكالىق دامۋىنا عىلىمنىڭ قوساتىن ۇلەسىن ارتتىرۋ ماسەلەلەرىنە نازار اۋدارىپ، ۋنيۆەرسيتەت باسشىسىنىڭ ۇسىنىستارىن قولدادى.