نۇر- سۇلتاندا جول جوندەۋ جۇمىستارىنا بايلانىستى 2 كوشە جارتىلاي جابىلادى

«نۇر- سۇلتان قالاسىنىڭ كولىك جانە جول- كولىك ينفراقۇرىلىمىن دامىتۋ باسقارماسى نۇر- سۇلتان قالاسى پ د اكىمشىلىك پوليتسيا باسقارماسىنىڭ كەلىسىمىمەن جول قوزعالىسى قاۋىپسىزدىگىن قامتاماسىز ەتۋ ماقساتىندا قابانباي باتىر داڭعىلى مەن ش. قوسشىعۇل ۇلى كوشەسىندەگى جول توسەمىن ورتاشا جوندەۋ جۇمىستارىنىڭ باستالعانى تۋرالى حابارلايدى»، - دەلىنگەن ۆەدومستۆو حابارلاماسىندا.
وسىعان بايلانىستى، 25-ءساۋىر مەن 5-مامىر ارالىعىندا قابانباي باتىر داڭعىلى مەن 23-ءساۋىر مەن 25-مامىر ارالىعىندا ش. قوسشىعۇل ۇلى كوشەسىنىڭ بويىندا قورعالجىن تاس جولىنان سارايشىق كوشەسىنە دەيىن جانە ق. كۇمىسبەكوۆ كوشەسىنەن ش. بەيسەكوۆا كوشەسىنە دەيىن اۆتوكولىك قۇرالدارى ءۇشىن قوزعالىس ءىشىنارا جابىلادى.
قالا جولدارىندا كەپتەلىس تۋدىرماۋ ءۇشىن ەلوردا تۇرعىندارى مەن قوناقتارى ءوز قوزعالىس باعىتتارىن الدىن الا جوسپارلاۋى قاجەت. باسقارمادا كەلتىرىلگەن قولايسىزدىقتار ءۇشىن كەشىرىم سۇرايدى جانە قالا تۇرعىندارىن جوندەۋ جۇمىستارىنا تۇسىنىستىكپەن قاراۋعا شاقىرادى.