قىتايدا ءبىر تاۋلىكتە 2 مىڭ ادامعا كوۆيد جۇقتى
قازىر شاھاردا قىسقى پاراليمپيادا جانە ەلدەگى ەڭ ءىرى ساياسي شارا پارلامەنت سەسسياسى ءوتىپ جاتىر. قىتايدىڭ وزگە ايماقتارىندا دا ەپيداحۋال كۇردەلى. كەشە ەلدە 2 مىڭنان اسا ناۋقاس انىقتالدى. بەيجىڭگە ەلدىڭ وزگە ايماقتارىنان كەلۋ ءالى كۇنگە قيىن. بۇل ءۇشىن پ ت ر- تەست ناتيجەسى مەن جاسىل كود قاجەت. ال ەگەر كەلۋشى تۇراتىن ەلدى مەكەندە كوروناۆيرۋس جۇقتىرعان ءبىر ناۋقاس انىقتالعان بولسا، 14 كۇن كارانتيندە بولۋى شارت. ال بەيجىڭنىڭ وزىندە اۋرۋ جۇقتىرعاندار سانى كوپ ەمەس، بار- جوعى ون شاقتى دەرەك. دەگەنمەن، بيلىك دابىل قاعىپ وتىر، ويتكەنى قالادا پاراليمپيادا ءوتىپ جاتىر. وعان قوسا جىل سايىن وتەتىن پارلامەنت سەسسياسىنا مىڭداعان دەپۋتات جينالدى
پان شينحو، بەيجىڭ قالاسى اۋرۋلاردى باقىلاۋ مەن الدىن الۋ ورتالىعى ديرەكتورىنىڭ ورىنباسارى:
- بەيجىڭدە ىندەتتى باقىلاۋ مەن الدىن الۋ ەرەجەلەرى قاتاڭ. اسا قاجەت بولماسا، قالادان كەتپەۋگە نۇسقاۋ بەرىلدى. جوعارى جانە ورتا قاۋىپ دەڭگەيى جاريالانعان اۋداندارعا، كوروناۆيرۋس تىركەلگەن وڭىرلەرگە بارماۋعا جانە بەيجىڭنەن تىس جەردە ءىرى ءىس- شارالار مەن كونفەرەنتسيالارعا قاتىسپاۋعا نۇسقاۋ بەردىك.
وسىلايشا قىتاي ىندەتكە قارسى قاتاڭ شارالارىن جەڭىلدەتپەيتىن بولدى. كۇن سايىن ەلدە 500 دەي ناۋقاس انىقتالىپ جاتىر. ولارمەن سوڭعى ەكى اپتادا قاتىناسقان ادامدار باقىلاۋعا الىندى. ال ەلدىڭ سولتۇستىگىندەگى اۆتونوميالىق اۋداندا كارانتين جاريالاندى.
الەكساندر شۋنكوۆ، مانچجۋريا قالاسىنىڭ تۇرعىنى:
- بۇل ءۇشىنشى كارانتين، العاشقىسى قىس باسىندا جاريالانىپ، ءبىر اي بويى ۇيدە وتىردىق. ال ەكىنشى مەن ءۇشىنشى كارانتيننىڭ اراسى نەبارى بەس كۇن بولدى. بۇل جولى ءبىر ادام اۋىرىپ قالىپ، بۇكىل قالانى جاپتى. تاماقتى تاپسىرىس ارقىلى الامىز. قازىر تەك ءىرى دۇكەندەر تاۋار جەتكىزىپ، جۇمىس ىستەپ جاتىر.
گونكونگتا ىندەت دەندەپ كەتتى. جەرگىلىكتى عالىمداردىڭ بولجامىنشا، ىندەتتىڭ بەسىنشى تولقىنىندا 4 ميلليوننان اسا ادام اۋىرادى. ال جالپى بۇل شاھاردا جەتى جارىم ميلليون تۇرعىن بار. بوتاگوز سىرعابايەۆا
www.24.kz