قازگيدرومەت: ماۋسىمنىڭ 2-كۇنگى اۋا رايى بولجامى
كاسىپورىننىڭ بولجامىنا قاراعاندا، 2-ماۋسىم كۇنى قازاقستاننىڭ باسىم بولىگى سيكلوننىڭ ىقپالىندا بولادى. وسىعان قاراي كەي جەرلەردە نايزاعاي ويناپ، جاڭبىر جاۋادى، بۇرشاق جاۋۋى دا ىقتيمال. تەك ەلدىڭ سولتۇستىگىندە عانا انتيتسيكلون جوتاسىنىڭ اسەرىنەن كۇن جاۋىن شاشىنسىز بولادى. رەسپۋبليكانىڭ كەي جەرلەرىندە جەلدىڭ كۇشەيۋى، داۋىل، وڭتۇستىكتە شاڭدى داۋىل كۇتىلەدى. تۇركىستان، تاڭەرتەڭ جانە كۇندىز قىزىلوردا وبلىستارىنىڭ كەي جەرلەرىندە شاڭدى داۋىل، جەلدىڭ جىلدامدىعى سەكۋندىنا 15-20 مەترگە جەتەدى. جامبىل وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى، كۇندىز شاڭدى داۋىل تۇرىپ، بۇرشاق جاۋۋى ىقتيمال.
اقمولا وبلىسىنىڭ كەي جەرلەرىندە جەلدىڭ كۇشى سەكۋندىنا 15-20 م/س- قا جەتەدى، تۇندە تۇمان بولادى. سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى، كۇندىز جەل 15-20 م/س جىلدامدىقپەن سوعادى. الماتى، قاراعاندى، شىعىس قازاقستان وبلىستارىنىڭ كەي جەرلەرىندە كۇندىز جەل 15-20 م/س- قا دەيىن كۇشەيەدى.
قاراعاندى وبلىسىنىڭ كەي جەرلەرىندە بۇرشاق جاۋۋى ىقتيمال. قوستاناي، پاۆلودار وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە جەتەدى. باتىس قازاقستان وبلىسىنىڭ كەي جەرلەرىندە بۇرشاق جاۋۋى ىقتيمال.
كۇندىز قىزىلوردا، جامبىل، الماتى، ماڭعىستاۋ، اتىراۋ، اقتوبە وبلىستارىنىڭ باسىم بولىگىندە، قاراعاندى، تۇركىستان وبلىستارىنىڭ كەي جەرلەرىندە قاتتى ىستىق بولادى. قىزىلوردا، جامبىل، اقتوبە وبلىستارىندا، اتىراۋ، قاراعاندى، الماتى، شىعىس قازاقستان، تۇركىستان، قوستاناي وبلىستارىنىڭ كەي جەرلەرىندە، اقمولا، پاۆلودار وبلىستارىنىڭ جەكەلەگەن اۋدانىندا وتە جوعارى ءورت قاۋپى ساقتالادى.
