قازاقستاندا كوروناۆيرۋسپەن اۋىرعاندار سانى 2 ەسەگە ءوستى

نۇر- سۇلتان. قازاقپارات - سوڭعى 10 كۇندە رەسپۋبليكادا ك ۆ ي جۇقتىرعان 15156 ادام تىركەلدى. بۇل تۋرالى دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات.

«جالپى رەسپۋبليكا بويىنشا بيىل ناۋرىز- ءساۋىر ايلارىندا اۋرۋدىڭ ناقتى بولجامى تۋرا كەلدى. سوڭعى 10 كۇندە رەسپۋبليكادا ك ۆ ي جۇقتىرعان 15156 ادام تىركەلدى، ناۋرىزدىڭ باسىمەن سالىستىرعاندا سىرقاتتانۋشىلىق دەڭگەيى 2 ەسە ءوستى، اسىرەسە، الماتى، نۇر- سۇلتان قالالارىندا، الماتى، اقتوبە، اتىراۋ، قاراعاندى، باتىس قازاقستان وبلىسىندا ناۋقاس سانى كوپ»،- دەدى ا. سوي ق ر پرەزيدەنتى قاسىم- جومارت توقايەۆتىڭ توراعالىعىمەن وتكەن كوروناۆيرۋس ينفەكتسياسىنا قارسى ءىس- قيمىل شارالارى بويىنشا كەڭەستە.