ەرلان قياسوۆ: «سپۋتنيك» ۆاكسيناسىنان كەيىن يممۋنيتەت كەمىندە 2 جىل ساقتالادى
«كۇنى كەشە عانا الەمدەگى جەتەكشى مەديتسينالىق جۋرنالداردىڭ ءبىرى Lancet سپۋتنيك V ۆاكسيناسىنىڭ SARS-CoV-2 كوروناۆيرۋستى جۇقتىرۋعا قارسى تيىمدىلىگى 91,6 پايىزدى قۇرايتىندىعىن جاريالادى. بۇعان قوسا، سپۋتنيك V ۆاكسيناسىنان كەيىن يممۋنيتەتتىڭ كەمىندە 2 جىل ساقتالاتىندىعى دالەلدەنگەن. سونىمەن قاتار ۆاكسينا كوروناۆيرۋستىڭ «بريتاندىق» جانە «وڭتۇستىك افريكالىق» سىندى جاڭا شتاممدارىنا قارسى ءتيىمدى ەكەندىگى دە ماڭىزدى. مۇنان بولەك، ۆاكسينانى ازىرلەۋشىلەر سپۋتنيك V ۆاكسيناسى COVID-19-دىڭ ورتا جانە اۋىر وتۋىنەن دە قورعايتىندىعىن اتاپ وتەدى»، - دەدى ۆيسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
ق ر دەنساۋلىق ساقتاۋ ۆيتسە- ءمينيسترى اجار عينيات سپۋتنيك V ۆاكسيناسىن سالدىرعاننان كەيىن قانداي سيمپتوم بولعانىن ايتتى.
«قازىرگى كۇنى قازاقستاندا 5700 مەديتسينا قىزمەتكەرى ەكپە الدى. قازىرگى ۋاقىتتا تەرىس اسەرى جونىندە اقپاراتتار جەر- جەردەن كەلىپ جاتىر. ەرلان اڭساعان ۇلى (ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتار دارىگەر) ەكەۋىمىز دە وسى ەكپەنى العان بولاتىنبىز. ءبىرىنشى تاۋلىكتە ازداعان السىزدىك بايقالدى. ەكپە جاساتقان ارىپتەستەرىمنىڭ كوپشىلىگى ءبىرىنشى تاۋلىكتە وسىنداي سيمپتومنىڭ بولعانىن ايتۋدا. كۇردەلى اللەرگيالىق رەاكسيا بولدى دەگەن اقپارات مينيسترلىككە كەلىپ تۇسكەن جوق. ءالى اقپارات جينالىپ جاتىر. شەكتەن شىعىپ كەتكەن جاعداي بولعان ەمەس»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.
اۆتور: مارلان جيەمباي