15:00, 17 - ماۋسىم 2020 | GMT +5
ءۇندىستاندا كوروناۆيرۋستان ءبىر تاۋلىكتە 2 مىڭ ادام كوز جۇمدى
نيۋ-دەلي. قازاقپارات - ءۇندىستاندا تاۋلىك ىشىندە كوروناۆيرۋس ىندەتىنەن 2003 ادام كوز جۇمدى.
وسىلايشا، ەلدە COVID-19-دان قايتىس بولعانداردىڭ جالپى سانى 11903 ادامعا جەتىپ وتىر. بۇل تۋرالى قازاقپارات India Today-عا سىلتەمە جاساپ حابارلايدى.
ءۇندىستان دەنساۋلىق ساقتاۋ مينيسترلىگىنىڭ سوڭعى مالىمەتىنشە، سارسەنبى كۇنى تاڭەرتەڭ ەلدە كوروناۆيرۋستى جۇقتىرعان تاعى 11 مىڭعا جۋىق ناۋقاس تىركەلدى. ىندەتكە شالدىققانداردىڭ جالپى سانى 354065 ادامعا جەتتى. مينيسترلىك قازىرگى كەزدە اۋرۋحانالاردا 155227 ادام جاتقانىن، بۇل رەتتە 186934 ناۋقاس جازىلىپ شىققانىن حابارلادى.
