بۇگىننەن باستاپ قازاقستاننىڭ 2 وڭىرىندە كارانتيندىك شارالار كۇشەيتىلەدى
15- ماۋسىمدا كەشكى ساعات 20:00 باستاپ كوكشەتاۋ قالاسىنداعى 7 بلوكپوستىڭ جۇمىسى قايتا جاندانىپ، قالادا كارانتين شەكتەۋ شارالارى كۇشەيتىلەدى.
اقمولا وبلىسىنىڭ باس سانيتارلىق دارىگەرى ايناگۇل مۋسينا قالا تۇرعىندارىنا وسىنداي شۇعىل مالىمدەمە جاسادى. سونداي-اق، باتىس قازاقستان وبلىستىق باس مەملەكەتتىك سانيتار دارىگەرىنىڭ جاڭا قاۋلىسىنا سايكەس كارانتين 15- ماۋسىمنان باستاپ ءبىرقاتار شەكتەۋ شارالارى ەنگىزىلەدى.
بۇعان دەيىن ق ر ۇكىمەتى جانىنداعى كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىندا اكىمدەرگە وڭىرلەردەگى كارانتين شارالارىن كۇشەيتۋدى قاراستىرۋ تاپسىرىلعان ەدى.
قاراعاندى وبلىسىندا كارانتيندىك شارالار قايتا كۇشەيتىلدى. 13- ماۋسىمنان باستاپ وڭىردەگى ساۋدا-ويىن-ساۋىق ورتالىقتارى، ازىق-تۇلىك جانە ازىق-تۇلىك ەمەس بازارلاردا شەكتەۋلى ۋاقىتپەن جۇمىس ىستەي باستادى. ال 14- ماۋسىمنان باستاپ جامبىل وبلىسىندا دا كارانتيندىك شارالار كۇشەيتىلدى.
